وحشني أوي يا صاحبي مش عارف قد ايه أنا مخنوق أوي لاني مفتقدك ..مفتقد حريتك ..والله يا صاحبي خروجي من السجن ملوش طعم لانك لسه مسجون ..مش قادر أوصفلك أن الدنيا ملهاش طعم من غيرك
صاحبي محمد القصاص يا ناس اعتقله نظام مبارك الفاسد في 13 مارس قبل التعديلات الدستورية المزعومة ولسه مسجون حتي هذا الوقت
دخلت السجن وخرجت وصاحبي يا ناس لسه في السجن ..مش حرام يا ناس يحرموا محمد من أبواه اللي عنده 85 سنة وكان هو اللي بيتولي أمره وخصوصا ان بيعمل غسيل كلوي 3 مرات في الاسبوع
مش حرام يا ناس يحرموا من خطيبته اللي ارتبط بيها قبل السجن بشهر واحد بس
مش حرام يا ناس يحرموا صحابه منه
والله يا قصاص طعم حريتي مر من غيرك
صاحبي محمد القصاص يا ناس اعتقله نظام مبارك الفاسد في 13 مارس قبل التعديلات الدستورية المزعومة ولسه مسجون حتي هذا الوقت
دخلت السجن وخرجت وصاحبي يا ناس لسه في السجن ..مش حرام يا ناس يحرموا محمد من أبواه اللي عنده 85 سنة وكان هو اللي بيتولي أمره وخصوصا ان بيعمل غسيل كلوي 3 مرات في الاسبوع
مش حرام يا ناس يحرموا من خطيبته اللي ارتبط بيها قبل السجن بشهر واحد بس
مش حرام يا ناس يحرموا صحابه منه
والله يا قصاص طعم حريتي مر من غيرك
بعد ما كتبت التدوينة دي لقيت ايمان خطيبة القصاص نزلت علي مدونته تدوينة جديدة من السجن بيقول فيها حكيته مع السجن
ربنا يفك كربك يا قصاص
ردحذفويرجعك لينا ولخطيبتك سالم غانم .. قريبا ان شاء الله
اللهم فك اسره ومش انت لوحدك يامنعم اللى نفسك يخرج كلنا بصراحه الواحد بيحس مع الاخ ده انه بيكلم نفسه ربنا يثبته ويجازى كل خير ويفرج الكرب قريبا حاتم ثابت
ردحذفربنا يكرمك يا قصاص و تخرج بالسلامة
ردحذفتضامنوا مع الطلاب المعتقلين في مدونة الحرية للطلاب
http://free4talaba.blogspot.com/
من قلبى دعوة لمحمد القصاص ودعوة اكبر لكل المعتقلين اللى فى منهم ناس قرايبى
ردحذفمبروك يا منعم على الصفحة اللى فى الدستور
ان شاء الله
ردحذفالواحد لا يقطع الدعاء للاخ محمد القصاص
اللهم فك اسره
اللهم عظم اجرهاللهم رده الينا سالما غانما هو وجميع المظلومين
امين
أولا حسبنا الله ونعم الوكيل
ردحذفربنا يرجعوه بألف سلامه يارب
ثانيا
إن شاء الله يكون هو فى الداخل أفضل مننا
فى معنوياته وعن الله إن شاء الله
ربنا يفك اسره واسر كل المسلمين
ردحذفأنا طبعاً مقدر مشاعرك يا منعم وأنك مش زعلان على قصاص علشان مش لاقي حد يوصلك كل يوم ولا حاجة
ردحذفوبغض النظر عن فقدانك لحد يشخط فيك ويشكمك كما كان يفعل القصاص رضي الله عنه؛ ولو تجاوزنا حالة الإحترام الفظيعة اللي القصاص كان بيصارحك بيها كل ما تتكرم علينا برأي من آرائك اللوذعية
رغم كل ما سبق انا مصدق انك مفتقد قصاص بجد وأنا كمان مفتقد قصاص . . كفاية يا عم انه بيتابع معايا مشاكل شغلي في الوقت اللي باروح له فيه الزيارة ووالله ساعات بيسألني في أمور قد أكون نسيتها
ربنا يفك أسرك يا قصاص