حجبت السلطات المصرية اليوم الجمعة الثاني عشر من أكتوبر عددا من المواقع والمدونات الشخصية علي الانترنت المتواجدة علي أحد مواقع الاستضافة (سيرفر ) الذي يملكه المدون محمد عادل صاحب مدونة " ميت " والتي تم حجبها أيضا كما تم حجب مدونة " الحرية لخيرت الشاطر " والتي أطلقها ابنه الأصغر سعد للمطالبة بحرية والده النائب الثاني لمرشد جماعة الإخوان المسلمين والمحال للقضاء العسكري بتهمة الانتماء للاخوان , كما تم حجب جميع المدونات المرفوعة علي موقع الاستضافة الخاص بعادل مثل مدونات " شبشب بصباع " ومواطن مصري واخد علي قفاه " وموقعين أخرين للإخوان المسلمين بالمنصورة وأسيوط
هذا وقد تم حجب موقع " صوت المقاومة " والذي يقوم علي تحديثه الصحفي صلاح بديوي بعد أن أغلقت السلطات المصرية جريدة الشعب التي كان يعمل بها
هذا وقد تم حجب موقع " صوت المقاومة " والذي يقوم علي تحديثه الصحفي صلاح بديوي بعد أن أغلقت السلطات المصرية جريدة الشعب التي كان يعمل بها
24 تعليق:
غير صحيح
المواقع المستضافة على السيرفر تعمل لدى البعض ولا تعمل لدى البعض الآخر
وهى مشكلة متعلقة بالـ DNS الخاص بالسيرفر
ولم تقم السلطات المصرية بحجب أى من المواقع والمدونات المذكورة
للإمانة العلمية طبعاً ، وليس دفاعاً عنها :-)
كل عام وانت بخير
وعيد سعيد عليك وعلي الاسره جميعا
وربنا يجعلك من المقبولين في رمضان ومن الذين أعتقوا في هذا الشهر العظيم
احمد الجيزاوى
محمود
--
مشاكل الdns
هذه بسبب طواطئ شركات النت في مصر مع الحكومة
لان الحكومه ليس لها قانون يبيح حجب المواقع
وفي النهاية المدونة محجوبه وحسبنا الله ونعم الوكيل
صديقي محمود طيب وهي الشركات هي غاوية تغلس علي السيرفر ده بالذات ولا ده
بفعل فاعل
يعني مش الأمن هو اللي طلب من الشركات دي انها لا تقدم خدمات لهذا السيرفر
:-)
والله أنا محبش أحمل الموضوع أكثر مما يستحق أو أكبر من حجمه ...
لذلك أنا أفهم الأمر على أنه مشاكل فنية لدى شركة ما ، وده طبعاً شىء طبيعى فى مصر اللى ماشية بالبركة ...
أنا مشترك فى نفس الشركة اللى الموقع مبيفتحش من على خطوطها ، والمواقع بتفتح عندى (للأمانة وده شىء غريب بعضها وبعضها)
وسبق وواجهت مشاكل مشابهة مع مواقع ملهاش دعوة بالسياسة خالص
هى مشكلة شركة النت بتاعها عاوز يتظبط
لذلك محبش أحمل الأمر أكبر من حجمه ، وأحلم بالمؤامرة بين شركة ما بعينها والحكومة ، سبق وعلاء كتب عن شركة أخرى كانت بتحجب إخوان ويب
والمرة ديه شركة مختلفة
فى حين إنى شايف أنهم لو حبوا يحجبوا بجد كانوا حجبوا
هما من أمتى بيراعوا قوانين يا سعد
وهو تحويل المدنين للمحاكمات العسكرية ده قانونى مثلاً ....
بالإضافة إلى إن فى حاجة أنا مبحبهاش
مبحبش الكلام بلا دليل
يعنى ما الدليل أن الموقع محجوب (وهو محجوب لدى بعض مشتركى شركة ما)
وما الدليل أنه حجب مقصود (وأنه ليس خطأ فنى)
وما الدليل أنه بإيعاز من السلطات
وأصلاً فين المنطقى فى الكلام ده كله
وممكن تقرأ عند علاء شوية شرح تقنى
مع إنى مختلف برضه مع نظرية أنها مؤامرة حكومية (هى نظرية لتفسير الظاهرة وفقط)
sبصوا بقي كدة بجد مصدقة المعارضة بتقل
بين الناس
المدونات بتفتح عندي
وكمان معلش هي لو الحكومة هتقفل مدونات وتحجبها
مش لاقية الا مدونة الحرية للشاطر و ميت
ومدونة ميت بالاخص عاوز اقول فيها حاجة ان الاحساس ان محمد بيعمل الذي لم يفعلة غيرة في المدونة
ده اخواني بيشتم في الاخوان يعني مصلحة للحكومة
كمان لو فكرة الحجب موجوده
مش كانت راحت حجبت المواقع الرئيسية للمعارضة في مصر جريدة الشعب مواقع الاخوان
المكله مش في السيرفر دا بس
لا و السيرفر اللي عليه موقع ابناء مصر تم حجبه و سيرفرات اخرى ليس لها علاقه بالسياسه اطلاقا
الامر ليس إلا مشكله تقنيه عند TE-data
و تم الاتصال بالشكره و اعترفوا بالحجب و بعد 3 ايام هيرجع يعمل طبيعي
يا شباب الحكاي بعيده كل البعد عن نظرية المؤامره و الهواجس الامنيه
المصريه للأتصالات هي اللي ليها حق الحجب و لما بتحجب بتحجب الموقع من الظهور في البلد كلها مش ناس و ناس
المشكله تقنيه بحته عند شركة موفرة خدمة الدي اس ال
و هيتم حلها بعد العيد عشان المختصين في حل مثل هذه المشاكل التقنيه بيأجزوا في العيد
ارجوا منك يا منعم انك تعيد صياغة الخبر عشان انت عارف الناس مابتصدق تشيع اشاعات عن غير فهم و الحكايه مش مستاهله
كل سنة وانتم طـــيبين جميعا
ده موقع لدخول المواقع الحجوبة لمن أراد:
http://anonymouse.org/anonwww.html
يا منعم لازم نتأكد من الأخبار قبل ما نقولها جزافاً
الموضوع طلع ملهوش أى دعوة بالحكومة، الموضوع تقنى 100%
نظرية المؤامرة بقت عالية أوى عندناللأسف
يا جماعة احنا قبل ماننزل الخبر تأكدنا من الموضوع
وانا ادخل علي المدونة عن طريق مواقع فك الحجب عن المواقع
وتأكدنا عن طريق الاتصال بالشركات التي ممكن ان تكون بها المشكله
وقمنا بعمل اختبارات اكدت ان المشكله ليست متعلقه بهم
والموظفون لا يعرفون عنها شئ
يذكر ان هذا الحجب حدث بنفس الطريقة مع عدد من المواقع مثل اخوان اونلاين
واخوان ويب
وقد كتب علاء عبد الفتاح عن هذه الظاهره وقال انها تتم بتواطئ بعض شركات مقدمي الانترنت مع الحكومه
ولينك البوست
اهوه
http://manalaa.net/link_dot_net_blocks_ikhwanweb
فعلا يا منعم زى ما محمود بيقول
كله بيفتح عندى
اظن فى سبب تانى للموضوع ده غير الحكومه
الله يخربيتها
يا جماعة الموضوع كان خطأ تقني وكمان كان خارج عن ارادة الشركات المصرية، أنا برضه أول ماسمعت عن الموضوع افتكرت انه بايعاز من السلطات وأول حاجة فكرت فيها انهم استخدموا طريقة تسميم الدي ان اس القديمة
بس النتيجة اللي وصلتلها كانت مشكلة "راوتينج" برة مصر وبتفرق أكيد من شركة للتانية
الوضع دلوقت أفضل من امبارح وتم تعديل الطريق المستعمل للوصول لبعض المواقع
كان لازم الواحد يتأكد قبل الوصول ﻷي نتيجة
الأعزاء والأصدقاء الكرام ..
نتضامن مع كل المواقع والمدونات التى تم حجبها ، ونثق أن هذا لن يخرس ألسنتكم ولن يجعلكنا نتراجع عن مواقفنا ضد نظام مبارك المستبد ..
ونحيطكم علما بأنه عندما قررنا أن يحتجب موقع الكرامة الإلكترونى يوم الأحد الماضى 7 أكتوبر تضامنا مع قرار رؤساء تحرير الصحف المستقلة والحزبية المعارضة ، كنا نتبنى موقفا سياسيا ومهنيا نراه الأصح ، فى مواجهة هجمة السلطة وأتباعها على الصحافة ، عقب الهجمة على القوى السياسية وحركات التغيير ، والقضاء المستقل ، والعمال والفلاحون والمهنيون والطلاب ، وغيرهم من قوى المجتمع الحية المعارضة لنظام حكم مبارك ، وتوريث ابنه جمال ..
لكن يبدو أن قرارنا بالاحتجاب ، وأن مواقفنا السياسية فى حزب الكرامة ، وما ننشره فى موقع حزب الكرامة ، وما نناقشه فى منتديات الكرامة ، لم يرق للسلطة وأتباعها ، فقرروا حجب موقع الكرامة لفترة أطول من يوم 7 أكتوبر ، فى محاولة منهم لإخماد صوت حر ومعارض آخر ..
تعرض موقع ومنتديات الكرامة منذ الساعات الأولى لصباح الأثنين 8 أكتوبر إلى اختراق أدى إلى مسح كل الملفات الخاصة به وبتشغيله ، مما أدى بنا إلى احتجاب اضطرارى مؤقت ، ولحين عودتنا للعمل قريبا جدا ، فإننا نؤكد أننا سنبقى على مواقفنا ، وسيظل موقع ومنتديات الكرامة ساحة لكشف فساد السلطة ومواجهة قمعها وقهرها ، والتصدى لسيناريوهات التوريث وبيع الوطن ونهبه ..
انتظرونا .. فسنعود قريبا جدا ..
وسيبقى موقع الكرامة .. صوتا حرا .. مناضلا ..
حسام مؤنس
مسئول لجنة الإنترنت بحزب الكرامة
يا جماعه الحجب اتفك خلاص
معلش.. بس هو نقول مش عارف ايه.. يقولوا ايه
مافيش شئ اتحجب اصلا.. وبلاش تهويل
وهى فعلا ماجتشى اللى على الكام مدونة دول اللى يتحجبوا.. ليه ان شاء الله
ما فيه قدامها ميت الف موقع اهم واكثر تاثير بمراحل
:S
بلاش نظرية المؤمرة من قبل ما تتاكدوا
يا منعم دخلت وفتحت معاى كلها من أول ما شفت تدوينتك دى
هما ولا هيحجبوا ولا هيمنعوا
طالما ظل تأثير المدونات على بعض مستخدمى النت وفقط
يعنى
الحجب لسه أمامه كتير
وبعدين انت محرمتش ترويج أشاعات
مش كفاية قولتوا على صحة سيادته أنه زى الفل
يعنى قصدكم ايه بزى الفل ؟
يا منعم
اسمع كلامك الدين وصوت الأزهر الحكيم
الذى قال شيخه
انكم تستحقون 80 جلدة والريس يضاعف لمن يشاء
بلد أشاعات صحيح
السلام عليكم ورحمة الله
تم إعتقال المدون عبدالرحمن فارس صاحب مدونة لسانى هو القلم بالفيوم فى أول أيام العيد
ويتم الآن عرضه على النيابة فى ثانى ايام العيد
ونحن فى إنتظار إما قرار حبسه أو الإفراج عنه
http://chabfares.arwp.net/
الظاهر يا محمود إن أصواتنا إبتدت تسمع بجد وتخوف ناس كتير أوى
أنا خايف بعد كدة لا يحجبوا المدونة بتاعتك إنت كمان
يا جماعة اللي بيقول فه مدونات كتيير كان اولي يحجبوها
هوا ما ينفعش يحجبوا اي مدونات
لازم تكون علي سريفر خاص
لانهم مينفعش يحجبوا جوجل
wwzwb
تجمع المدونين الرافضين
للنقد الذاتي العلني
http://kbl-an-ykhrko-alsafina.blogspot.com/
شارك برأيك
كتب الله لأغلين أنا ورسلى
ربنا المستعان وربنا يسترها معانا ومعاكم
وعموماً انا ضيف جديد ومدونتى اسمها ..(( على الزيبق )) وعنونها
http://ali-zebak.blogspot.com/
فأرجو ومراسلتى ومساعدتى وربنا معانا
إرسال تعليق