استمرارا للحملة التي شنتها مباحث أمن الدولة باعتقال الدكتور محمود غزلان عضو مكتب الارشاد والقيادي الشاب محمد القصاص , قامت قوات مباحث أمن الدولة بتوسيع الحملة في وقت متأخر من الليل وشملت الدكتور محمد سعد عليوه القيادي الاخواني بمحافظة الجيزة والدكتور مصطفي الغنيمي القيادة بمحافظة الغربية وعضو مجلس نقابة الاطباء ومحمد السروجي مدير مدرسة الجيل المسلم بالغربية والدكتور محيي حامد القيادي بمحافظة الشرقية وعضو الامانة العامة للجماعة ,كما تمت مداهمة منزل الدكتور جمال نصار المستشار الاعلامي بمكتب الارشادوالذي لم يتواجد ببيته وقد اتصلنا وصرح لنا حصريا أنه في الطريق لتسليم نفسه لمكتب أمن الدولة بالجيزة لان الاخوان ليس لديهم ما يخافوا منه ,وأضاف هذا هو النظام المصري يسجن أصحاب الرأي فيه ويترك المجال مفتوحا من يقتلون الشعب سواء في العبارات والسكك الحديد أو بالدم الملوث أو من يسرطنوا الشعب
7 تعليق:
بعد بروز الدكتور جمال نصار
كمستشار إعلامى لمكتب الإرشاد
يبدو أن الإتجاه الحالى فى الحملة القادمة للوجوه الإعلامية
متباتش فى البيت يا عبد المنعم
حسبنا الله ونعم الوكيل
بس المفروض ميسلمش نفسه إلا إذا كان نازل قرار من النيابة بضمه لقضية ما ...
الصورة وضحت يا جماعة ،مصر ما فيهاش حد لسة على قيد الحياة الا الإخوان ،علشان كده المطلوب انهم يسكتوا ويبيعوا القضية زى اللى باعوا فى انتظار شوية مقاعد فى مجلس الشعب ،لاحظوا مواقف الوفد والتجمع والناصرى ،المسالة واضحة يا إخوانا ..مصر مفيهاش بيتحرك الا الاخوان ،والنظام القمعى ضد الحركة اصلا لانه نظام ميت اكلينيكيا ،على فكرة واحد علاقته مع ربنا حلوة قوى حكالى انه شاف حتة حلم معناه باختصار ان ربنا هيخلصنا قريب من الظالمين ،
يا جماعة الناس محتاجين الاخوان قوى ،انا عارف ان الضغطة جامدة ،بس لازم نشد حيلنا ونقف ،حتى لو متنا لازم نموت كما الاشجار واقفين ،اوعوا حد فيكم يخاف او يياس او يبعد شوية لغاية ما الموجة تعدى ،لا ياسيدى الموجة اللى تاخدنى مع الاخوان لربنا احسن من السلامة بعيد عن الاخوان وعن ربنا ،ربنا بيقدر وبيختار لكل واحد فينا دور ،ربنا اخترنا علشان نكون مع الناس دى بالذات ،انا شخصيا عدت عليا اوقات خفت فيها لكن بعد القبض على غزلان ونصار والقصاص ومحى حامد المسالة مبقتش فارقة ،كبيرهم ايه يعملوه ،السجن ..مفيش مشاكل الناس الكويسة هى اللى بتتسجن الان ،والناس العادية الان اصبحت عارفة كده كويس ،ان الاخوان هما الامل وهما الرعب اللى قدام الحكومة ،لازم نكون عند حسن ظن ربنا اللى اختارنا للطريق ده ،لازم نكون عند حسن ظن الناس اللى بيبصوا للاخوان على انهم القوة الحية والنابضة فى البلد .
شدوا الحيل واصبروا وتوكلوا على الله .،
يا ريت تقرأوا المقال ده ليا على موقع الإخوان
http://www.ikhwanonline.com/Article.asp?ID=26958&SectionID=0
الصورة واضحة من زمان يا أستاذ ياسر
والسجن ده ولا حاجة
لكن فعلاً اللى يضايق ان الإخوان حالياً أموات
مفيش حركة
يالا بقى
حسبنا الله ونعم الوكيل
يلا يا قصاص يا صاحبي
ربنا رايدلك شويه حسنات تاخدهم ومحدش عارف الخير فين انا كنت معاك قبلها بساعات وكنت شايل هم وعبئ الدعوة ربنا يتقبل منك وربنا وحده اعلم بصدقك وجهدك واخلاصك لدعوتك ولرفع مبادئ دينك تقبل الله منك صالح اعمالك وردك الينا سالما غانما وسلامي لكل الاحباب هناك .....!!
إيه يا عم محمود يا سعيد حكايةإن الاخوان أموات دى ،لا مش مقبولة منك خالص لانها اولا مش حقيقة ،ثانيا مش مناسب ابدا تقول على الدعوة اللى انت اظنكبتنتمى اليها انها ميتة ،اكيد ده نتيجة لقرفنا جميعا من الاعتقالات غير المبررة ،ولكن يجب ان لا ندع الضغط يخرجنا عن شعورنا وعن حبنا لجماعتنا وقياداتنا ،لا يا عمنا انا مش معاك ،ارجو انها تكون غلطة وعدت .
غلطة يا أستاذ ياسر
بس أنا كان قصدى بيها حاجة تانية
إرسال تعليق