الاثنين، يونيو 11، 2007

الحرية لعمر الشرقاوي


اتصلت بي نواره وأكدت أن المدون عمر الشرقاوي تم القبض عليه فعلا أثناء تغطيته للانتخابات في صباح اليوم بمحافظة الدقهلية حيث أرسل لها أحد أصدقائه رسالة قال فيها " عمر اتصل بيه الساعة تسعةونص صباحا بيوقلى انه اتقبض عليه
قال ايه علشان كان بياخد شوية صور فى لجنة انتخابية
يعنى الدنيا كانت فاضية ولسه مافيش حاجة حصلت وبعديها بدقيقتين موبايله أصبح مغلق ومش عارفين نوصله لغاية دولقتى
وناس من المنصورة راحت عاوزه تقابله مارديوش يدخلوهم بحجة انهم مش أقاربهوهو وحيد لا أب ولا أم ولا أي حدربنا يسهل ونشوف محامى بكره من حقوق الإنسان وربنا يجيب الى فيه الخير
وطبعا انت عاندك اتصالات اوسع لو تقدرى تساعدى بيها يبقى جزاكى الله خيرا
حتى على الأقل نقدر نوص مكانه الجدييد فين وهل تم ترحيله أم لا"

أحاول أن أجد محامي في المنصورة يبحث عنه أو يستفسر عن وضعه القانوني أرجو يساعدنا أحد في هذا الأمر سريعا وأن يتجه نحو القسم المحتجز به لانتظار اي جديد عنه

18 تعليق:

العميد ميت يقول...

ماحدش عايز يرد عليه في منعم في المنصوره
والكل مشغول في الإنتخابات
حاول تتصل بحد من الإخوه هناك وهمه يتصرفوا في محامين ، لأني فشلت

محمد وادي يقول...

أخي الحبيب منعم
دي نمرة محامي في المنصورة أعتقد أنه لن يتأخر عن أداء هذه المهمة 0102564698
بالتوفيق إن شاء الله

معتز يقول...

اخي الحبيب منعم
انا من المنصوره وكنت في قسم طلخا وحاولت ان اعرف المزيد ولكن لا حياه لما تنادي

ممكن تعرف انا عملت ايه من هنا وكمان يا ريت تضيف بيان وجمع التوقيعات علي مدونتك لزياده الاعداد
وجزاك الله خيرا

http://manfe.blogspot.ccom

محمد طلعت يقول...

شكرا يا اخ معتز علي التغطيه بتاعتك وربنا يجعله في ميزان حسناتك

وكلنا مع عمر الشرقاوي ضد الفساد والظلم


اخوكم محمد طلعت

إخوانية مصرية يقول...

انا كلمت اخ عندنا في المنصورة اول ماعرفت ووهوة قالي هيتصرف
ولحد دلوقتي مش رد عليا
ربنا يسهلها ان شاء الله
ويكون التاخير دا خير

اسلام رفاعى يقول...

اردد معك الحرية لعمر الشرقاوى

Dr.Safaa Refaat يقول...

سبحان الله
فك الله أسر هذا الوطن بأسره
من قيد أسره
و هنا:

http://www.petitiononline.com/742007/petition.html

لوحة اعتيادية
لمشهد من المأساة
يعرفها كل من ينفطر قلبه تائهاً في طرقات المدينة الحزينة
و ليس هناك من يسمع
لله الأمر

hapasa يقول...

أولا جزاك الله خيرا
وانا صديق منذر الى اتصل بيه
االمشكلة ان عمر وحدانى واداه متوفين واخوته فى محافظات مختلفة ولن يشعروا أنهقد تم مسه بالسوء إذا إنه ممكن أن يغيب لفترات فى سفر بخصوص العمل او غيره دون أن يخبرهم
ولذلك فزويه لن يشعروا بغيابه إلا بعد فترة
يعنى مالوش بعد ربنا غيرناه
وجزاكم الله خبيرا
على شعوركم الجميل ويارب يكللل مجهوداتكم بالنجاح ان شاء الله

hapasa يقول...

وبصراحة الاخ معتز مرابط هناك عند قسم طلخا وفيه محامين كتير جدا راحو
بس مشعارف عيب انى أقول كده ولا لا
عاوزين بجد واسطة احن مانعرفش عمر فين
موبايله مقفول ومش عارفين عنه حاجة
وهو وحيد يستفردوا بيه
وهو مش مسيس ولا وراه حزب ولا جماعة ولا أي شيئ مالوش غير ربنا وزنلاؤه المدونين
موضوع انسانى بحت وجزاكم الله خيرا
وانا أعلم أن حضرتك يا أستاذ منعم اتحركت
بس المحامين الى راحوا اضربوا ومش مفرقين بين محامى وبن مواطن عادى
وربنا يكلل مجهوداتكم بالنجاح ان شاء الله

م عبدالرحمن يقول...

انا اشعر بثقل كبير من المسؤلية تحاه عمر

خصوصا انه كما قلتم وحيد

و ليس له بعد الله الا الاخوان




انا بعيد كل البعد عن المنصورة

و معنديش حتى موبايل لجد فيها

و اوعدكم انى لا اقطع الدعاء عن اخى عمر الشرقاوى

فك الله اسره

Nsreen Bsunee يقول...

اخى منعم
ارجوك تجبلنا نمره موبايل اى حد متابع موضوع عمر عشان نطمن عليه اول باول وباذن الله هو مش وحيد ولا حاجه ربنا معاه وكلنا معاه
تحياتى

غير معرف يقول...

حسبنا الله ونعمالوكيل ياجماعه كل دى مؤشرات على اقتراب نهاية هذا الظالم اللذى طغى وبغى وامهله الله ولكن اظن انه الان يضع بنفسه حبل المشنقه حول رقيته اللهم انتقم منه وافضحه على رؤس الاشهاد وارنا فيه عجائب قدرتك وانزل بببه سيف انتقامك واجعله وعائلته عبرة لمن يعتبر حاتم ثابت

hapasa يقول...

وده رقم تليفون عمر الشرقاوى
0108254211

عبدالرحمن عياش يقول...

ما شاء الله عليك يا منعم
رجعت اجمد من الاول
ربنا يوفقك ياارب

أبو الفـــداء يقول...

لسه عمر مطلعش ؟؟؟

belal يقول...

ربنا معاه ..أنا والله حاسس البتقصير محمد عادل قاللي أنزل ساعتها أشوفه بس أنا كنت مشغول ..ربنا يسامحني بقى

...
معلشي بقى الكلمة اللي قبل التعليق دي مالهاش لزمة خالص غير العطلة ..وانا ميت مرة آجي أعلق أكسل عشان الكلمة دي

Ahmed Elmasry يقول...

حملة ألحقونا لحماية المدونين المصرين و المرسلة للأمم المتحدة و حقوق الأنسان

http://bahbmasr.blogspot.com/2007/06/blog-post_13.html

سحس يقول...

الله معك أخى عمر أنت وكل الشرفاء من هذا الوطن