الخميس، أغسطس 09، 2007

قصاص الان حر


اخيرا قصاص حر وفي بيته كمان بعد خمس شهور حبس في سجون الاستبداد رجع لوالده اللي عنده أكثر من ثمانين سنة ومقدرش يشوفه أكثر مرتين أو ثلاثة خلال الشهور دي كلها

ليلة القبض علي القصاص هربت من البيت لان مصيري مربوط بيه لكن قلت في نفسي مش مشكلة السجن مدمت حكون مع القصاص

لدرجة ان المهندس خيرت قالي أنه أول ما سمع أن القصاص اعتقل قال أكيد معاه عبدالمنعم

لكن النصيب غلاب شهر بالظبط ولاقيت نفس مصيره لكن الظلمه حرمونا من السجن مع بعض وكل واحد اتحبس في مكان

قد ايه كان صعب عليا اني اخرج من السجن وقصاص لسه مسجون والله الحرية مكنش ليها أي طعم

يمكن قصاص هو أكثر الاخوان والأصحاب إلي قلبي ومع ذلك انا لم اتعرف عليه إلا سنة 2003 وبعد معرفته تبلور لي معني أخر للصداقة والاخوة والحب في الله بشكل تاني غير اللي الواحد قرأه في أدبيات الإخوان أو عاشه معهم

رغم اني مولود في الإخوان كبرت اتولدت لاقيت نفسي بقول أنا إخوان لكن فعلا معرفتش معني الاخوة إلا بعد معرفتم يا قصاص

قصاص ده شاب مصري جدع أوي بيشيل صاحبه في كل الأوقات ممكن يفضل فكره مشغول بمشكلة خاصة بحد من أصحابه أكثر من صاحب المشكلة نفسها , رغم اني عمره 32 سنة لكن بنحس ساعات أنه أبونا يقعد يوجه فلان يعمل كذا وكذا وعلان أفضل له يروح مش عارف فين , وبعد كده تلاقي عنده هموم الدنيا ولا يشيلها لحد

في 2006 كنت انا وهو متوجهين لحضور ميعاد وعرفنا أن الناس اتقبض عليها وبعد كده اتقبض عليه علي ذمة القضية دي وهو لأ وكأنه ضميره أنبه لقيت داخل السجن نكمل مسيرة الثقب جوه بعد ما اتقبض عليه في مظاهرات القضاه

بص فكره عارفين لما اتسجن عشان القضاه هو راح المظاهرة مش عشان هي تكليف اخواني فقط رغم أنه لم يكلف أصلا بالحضور هو راح زي ما قال أن التاريخ حيحاسب كل واحد قصر في نصرة الناس دي اللي وقفت قدام ظلم واستبداد مبارك
ياه قد ايه اتمني أن كل الإخوان كبيرهم وصغيرهم يبقوا زي القصاص
ألف مبروك يا قصاص لمصر وللثقب الأسود ولخطيبتك طبعا يا عم
علي فكرة قصاص عنده مدونة اتعملت له هو في السجن وكانت بتحدثه ايمان خطيبته والمفروض بأه يبدع ويورينا الشغل علي القصاص للجميع

20 تعليق:

العسكري عتريس يقول...

أّلف حمد لله على سلامته وعقبال الباقي

محمد شمس الدين يقول...

اللهم لك الحمد،

صدقت يا منعم، هو كما قلت

ربنا يعوضه عن الفترة ده ويخلف عليه كله خير

ويفك أسر جميع الأحرار

اللهم آمين

...

محمد

احمد المصري يقول...

سلام عليكم
لم اعرفك يا عبد المنعم على فكرة الا بعد ما اعتقلوك
و احترمتك عندما عرفتك بصراحة
فقد بدأت عالم التدوين بتصفح مدونات لم تجعلني احترم كثيرا من اصحابها
و لكن انت ممن احترمتهم فعلا و اكيد القصاص طالما صديقك

كنت متضامن معاك في المدونة عندما اعتقلت فا مش تنساني لو اعتقلت انا ولا حاجة :D
ahmedelmasry.wordpress.com

مدونه انا بحبك يا مصر يقول...

الحريه لكل مواطن حق وعندما يخرج انسان من سجون مبارك تقام الافراح ورغم ان الحريه هى الاصل والسجن الاستسناء ولمن فى عهد مبارك اثبح العكس
عموما
مبارك خروجك اخى والحمد الله على سلامتك
احمد الجيزاوى

دعوة الفردوس يقول...

اللهم لك الحمد حتى ترضى ولك الحمد اذارضيت ولك الحمد بعد الرضا
اللهم لك الحمد ملء السماوات وملء الأرض وملء مابينهما وملء ماشئت من شيء بعد

ألف مبروك وحمدا للواحد خروج القصاص
بجد فرحت جدااااااااااااااااااااااا

ونفسي لو يدخل يعلق هنا يقولنا اي حاجه بس يسمعنا صوته

واكيد هنزور مدونته
و نباركله

محمد السيد..مش حاسكت يقول...

يا ألف ألف نهااااااااار أبيض...

هم مش كانوا بيقولوا كده في الأفلام .. وإحنا في فيلم كبييييييييييييييير ...

ألف مبروك للقصاص واللي طلعوا معاه ... وربنا يكتب الحرية للباقيين ...

ومستنينك يا سيدي ....

تدونينا وإخوانيا ......

تحياتي ودعائي ......

ellithy يقول...
أزال أحد مشرفي المدونة هذا التعليق.
ellithy يقول...
أزال أحد مشرفي المدونة هذا التعليق.
غير معرف يقول...

حمداً لله على سلامته


...و...
ود
"شاعر إخوان"

محمود السيد يقول...

حمد لله على السلامه

وان شاء الله يكون الوقت ده فى ميزان حسناته

فك الله اسر باقى اخواننا

اللهم امين

http://fenelwattan.maktoobblog.com/

asmaa ibnatalislam يقول...

الف حمدالله علي سلامة استاذ محمد ويا رب نشوف كل الشرفاء احرار
علي فكره حضرتك ليك عندي تاج علي المدونه بتاعتي
wwwbahlam.blogspot.com

معاذ الحوت يقول...

الله أكبر ولله الحمد
عقبال باقية الفرسان
أخوك في الله
معاذ الحوت
http://www.mo3z.blogspot.com/

انا محمد الأنصاري يقول...

الحمد لله على سلامة قصاصا وعقبال الباقي
معليش يا ريت يا منعم تبعتلي
نمرة قصاص على الميل او على الموبايل

ansaryyy@hotmail.com
0108567842

الشهيده يقول...

مبارك علي خروج اخونا الكريم

بجد انا بحس بفرحه كبيره اوي لما اي حد من اخوانا المعتقلين يفرج عنهم

ربنا يفك اسر جميع اخوانا المعتقلين

غير معرف يقول...

الف الف مبروك لخروج اخونا القصاص وصحيح يااخ منعم ياريتنا كلنا نباه زيه قوة فى الحق وعزيمته وافكاره وعاطفته وتضحينه انا بحبك ياقصاص بس يارب قريب نحضر فرحك انا متاكد انى هحس وقتها ان ده فرحى انا واكتر شويه حمد الله على السلامه وانتم الاعلون ان كنتم مؤمنين صدق الله العظيم حاتم ثابت

omar مشروع بطل يقول...

الحمد لله
عقبال 22 ألف معتقل

عقبال مصر كلها لما ربنا يفك أسرها من الظالمين

اسماء العـــــــريان يقول...

يااااه الف حمدلله على السلامه ....الف حمدلله على السلامه يا ايمان

na3akesh يقول...

الله يعينك يا عبد المنعم ويوفقك ودايما تفضل تعبر عن مشاعرنا واحساسنا

قلب أبيــض يقول...

السلام عليكم
مبروك خروج القصاص
وجعل الله هذة الايام فى ميزان حسناته

سعود القحطاني يقول...

الحمد لله وحده و الصلاة و السلام على نبينا محمد و بعد ,,
فقد تصفحت مدونتك و وجدتها اكثر من رائعة و لكن بخصوص هذا الموضوع فني لا اجد ردا خير من الرجوع لى ما قد قاله الله عز و جل و اوصى به نبي الرحمة عليه الصلاة و السلام و من تبع النبي عليه الصلاة و السلام من الصحابة و التابعين و تابعي التابعين ..
و للعلم يا اخوان ليس من السنه و ليس من هدي سلف الأمة التشهير بالحكام و ما يقع منهم من ظلم على رعيتهم و ارشد اخي القارئ على هذه الروابط لعل فيها من الرد الشافي و الله المستعان ..
1- الرد على دعوة الاخوان الجديدة ( الاصلاح و الديموقراطية هدفنا )
http://saoodboosy.jeeran.com/archive/2007/8/280926.html
2- الويل و الثبور للمحرض على ولاة الأمور
http://saoodboosy.jeeran.com/archive/2007/5/216454.html
3- لزوم الامام و السمع الطاعة
http://saoodboosy.jeeran.com/archive/2007/4/202772.html
4- ماذا تفعل الرعية بالحاكم الظالم و الفاسق و الفاجر ؟
http://saoodboosy.jeeran.com/archive/2007/4/194175.html
5- من شبهات الحزبيين .. ليس للمسلمين امام في هذا العصر
http://saoodboosy.jeeran.com/archive/2007/4/193246.html
و اسئل الله ان يرزقنا الاخلاص في القول و العمل انه سميع قريب مجيب الدعوات ...
وخيكم فتى نجد القحطاني