تنظم شبكة اسلام أون لاين ندوة ثقافية عن حد الردة وستناقش فيه الاشكاليات التي يمثلها هذا الحد ومحاولة الإجابة عنها ويحضر هذه الندوة الدكتور نصر فريد واصل مفتي الدولة السابق والدكتور محمد سليم العوا والدكتور محمد السيد سعيد والدكتور محمد المسير والدكتور رفيق حبيب والدكتور محمد كمال امام والشيخ منير جمعة
الندوة بنقابة الصحفيين الساعة السابعة مساء
5 تعليق:
إيه يا منعم ...انتا محسسنى انك سكرتير عام نقابة الصحفيين ...او مراسل جريدة الدستور فى نقابة الصحفيين زى هناء سمرى فى قصر الرئاسة كده...كل يوم خبر عن انشطة النقابة ...
مترحمنا يا بنى ...
بقولك...مفيش حاجة فى نقابة المهن التمثيلية الاسبوع الجاى اصلى عيز اروح ناحية هناك
كل عام وانتم بخير وعادة الله عليكم وعلى الاهه الاسلاميه بكل خير
كل عام وانتم منصورين واقوياء
كل عام ومصر بخير
احمد الجيزاوى
ندوة!! هو القرف اللي حصل ده اسمه ندوة؟ يا منعم ده كان نسخة رديئة من فيلم كده رضا . . 3 مشايخ قاعدين بيقولوا نفس الكلام ونفس الفكرة واللي زاد وغطى ان شيخ جليل زي الدكتور نصر فريد واصل صرح وهو بيجاوب على التعليقات انه ما حدش وضح له موضوع الندوة بشكل وافي
الإختلاف الوحيد بين الشيوخ تقريباً كان في المرتد يتقتل ازاي مش هو المفروض يتقتل ولا لأ
الحقيقة أنا مصدوم ان شركة بحجم ميديا اون لاين تعجز انها تنظم ندوة موضوعها خطير زي كده
ردة مين يا عم منعم...يكونش قصدك الرضة بتاعة شوي السمك...
المجادلات العقيمة بتاعة حد الردة وقطع إيد السارق وبيقة الاشكاليات إلي أساساً ملهاش وجود واقعياً ..وأساساً محل إجتهاد وخلافي ديني تنظيري بتفكرني باأميرة فوزية ...لما بيقوللها إن الشعب مش لاقي ياكل العيش..فقالتلهم ..خلاص ياكلوا جاتوه!!!
يا عم علي ..الحرامي في بلد نقابة الصحفيين المصرية ...مش بتنقطع إيده ..لأ ده بيبقى وزير وعضو مجلس الشعب...والمرتد..أهو واحد بقى صادق مع نفسه واختار...بدل ما هو قاعد ولابد ومش فاهم...
وبصراحةالعالم بتوع إسلام اون لاين وميديا مش عارف إيه إلي قال عليها إسلام دول ..أنا مش برتاح ليهم...فلوسهم كتير ومش عارفين يعملو بيها إيه...
وقضاياهم أغلبها جدلية..تحس إنها متوافقة ومتداخله مع قضايا إعلام الريادة ..بتاع صفوت الشريف !!
كل ما يحدث فى الوطن هراء وكل ما يحدث للصحفيين افتراء وكل سائعة تخرج من البلاد سببها الحكومة والحزب الاستبدادى ونرجومن الله ان يخلصنا من القهر والظلم اللهم الحكم حكمك واليك الالتجاء فخلصهم من الضغيان وخلص الضعفاء منهم اللهم اميين
http://nasrahmad.jeeran.com/profile/
إرسال تعليق