الثلاثاء، ديسمبر ١١، ٢٠٠٧

اليوم العالم لحقوق الإنسان ..مصر كلها في الأتوبيس


3 تعليق:

محمد بن جمال الياسرجى يقول...

اتوبيس ايه مصر كلها فى زنزانة

غير معرف يقول...

انا استاذ جامعي مصري عايش في الغرب
كلما أقرأ المواقع والمدونات المصرية أحس ان رجوعي لمصر كابوس مفزع
غلاء،اعتقالات،امراض،مش عارف هي دي الحقيقة ولا الناس بتبالغ؟
بصراحة خايف أنزل أشوف الواقع بنفسي لحسن معرفش اخرج تاني من السجن الكبير اللي اسمه مصر

الكواكبي يقول...

والله انتوا عالم نماريد وما يملاش عيونكوا غير التراب
مالها البلد . . وماله السجن يا عم منعم . . ومالها الاتوبيسات
هو المفروض النظام يعمل ايه علشان يرضي شعب ناكر للجميل زي الشعب المصري
والله الناس دي ما قصرتش
سرطان وجابوه - التهاب كبدي 85% من الشعب بيتمتع بيه - عايزين حرية رأي وتعبير؟! عندك الصحفيين والمحامين والمهندسين والعمال والمدرسين والفلاحين كلهم بيتظاهروا وبضربوا وما حدش بيعبرهم . . يعني الحكومة بتكفل حق النباح للجميع
عايزين فلوس؟! طب ما البلد كلها اتباعت وتمنها ما جابش فلوس تقضي غير 2 جنيه لكل مواطن دعم يبقى يشتري بيهم عيش ومش مهم الباقي لأن دي كلها امور ثانوية
والله شعب واطي ويستاهل ضرب الجزمة . . مش عاجبك السجن؟ احمد ربنا ان في كل محافظة فيه سجن بدل ما كانت الناس كلها زمان بتتشحطط علشان تشوف عيالها؛ ما عجبكوش السجن البلد عملت لكم سجون دليفري وبقت تعمل اقامة جبرية في البيوت
طلبتوا فلوس وعملة صعبة قالوا اديها سياحة . . رجعتوا اعترضتوا وقلتوا السياح بييجوا يبوظوا البلد بفلوسهم . . قالوا ماشي وقرروا يسفروا المصريات يرفهوا عن العرب بره بدل ما العرب ييجوا هنا وبرضه اعترضتوا
اتريقتوا على الاتوبيسات وزحمتها وكوارثها عملوا لكم قطارات الموت ورجعتوا تعترضوا وكأن الموت مش حق على كل بني أدم . . مش مهم بقى هو مات محروق ولا مفروم لأنها في الآخر موتة
انتوا بتعترضوا على الاتوبيسات ولا على الموت والمرض اللي هما سنة كونية؟!!
والله شكلكوا بتعترضوا على السنن الكونية يا كفرة يا اللي عايزين تغيروا البلد قال ايه وتصلحوها . . ده قدر ومكتوب . . نتولد في عهده ونموت في عهده وتتحلل جتتنا في عهد ابنه
والله الواحد لو كان ينفع يهتف بالروح والدم نفديك يا ريس كنا هتنفنا بس للأسف دمنا دلوقتي ملوث ما ينفعش سيادته؛ وعلشان كده انا باطالب كل "وطني" انه يغير هتافه ويخليه

بالروح وبس نفديك يا مبارك

جتك الغم فيك وفي مواضيعك يا منعم