الأربعاء، سبتمبر 10، 2008

بشري لأهالي الدويقة ..دماك حلتها


لم أستطع أن أعبر عن فرحتي عندما قرأت إعلانا جديدا لشركة دماك للعقارات حيث أعلنت في عدد من الصحف عن مرحلة جديدة لإنشائتها بأسعار مميزة فالشركة فيما تبدو وكأنها قررت أن تساعد أهالي الدويقة المنكوبين

رغم أني حاصل علي مؤهل جامعي اضافة إلي دراسات عليا في الصحافة والإعلام إلا أني اضطررت إلي عد الأصفار حتي أعرف قيمة الفيلا الواحدة التي اتضح لي بعد العد علي أصابع يدي الإثنين أن الرقم واحد ومضاف له ستة أصفار بالعافية عرفت أن ثمن الفيلا مليون واربعمائة وتسعين ألف جنيه يعني ممكن نقول مليون ونص

12 تعليق:

جبهة التهييس الشعبية يقول...

هههههههههههههههههههههه

عاشــــــ النقاب ـقــــة"نونو" يقول...

حسبي الله ونعم الوكيل

Amr Ahmed يقول...

ههههههههههههه

اللي يضحك بقي
ان فيه اشخاص ما علي ارض المحروسة
هيشوفوا الاعلان ده ويقولوا

واااااااااااااو
دي لقطة

انا هحجز واحدة من بكرة

ولا عزاء لمنكوبي الدويقة

Al-Firjany يقول...

بس كدة؛؛
ع الجزمة !!!
==
عادي يا نجم الاعلان ده ولا ليك ولا ليهم
ولا لينا
ده للي راحوا الدويقة وأخدوا النهاردة بالجزمة والطوب!!!

الـفجـريـــة يقول...
أزال المؤلف هذا التعليق.
الـفجـريـــة يقول...

لااا الخير مش من عند داماك بس

فيه كمان اعمار

ودى باه تتقدم على داماك بانها وتسهيلا على اهالى الدويقة الوحدات بتاعتها فى المقطم يعنى فوقيهم بالظبط وباسعار تناسب كافة المستويات

يعنى الحمد لله الدنيا بخير :(

والله انا معنديش اعتراض ان ناس تشتغل وتسكن فى ست وسبع اصفار حتى لكن الباقيين يبقوا عايشين عيشة بنى ادمين ولا يصبح اعلى حلم لديهم ان يأويهم سكن أدمى
!!!

انسانةعادية فى عالم مش عادى يقول...

صحيح هم يضحك وهم يبكى
هى دى مصر
ربنا يرحمنا يارب

محمود سعيد يقول...

مش غالية يعنى

لأ الأنقح بقى ، ما تيجى نروح نحج مع عمرو خالد ، فى معسكر خاص ومغلق ومكيف و مدلع كمان

أحمد سعيد بسيوني يقول...

بسم الله الرحمن الرحيم

معذرة على الخروج عن الموضوع

ولكن
نكسة مصرية جديدة
في العاشر من رمضان 1429هـ
10/9/2008
على مدونة البحر
www.ana-elbahr.blogspot.com

نشرف بزيارتكم

تحياتي

غير معرف يقول...

مررت سريعا على مواقف تاريخيةوجدت أن اثم كبير قد تقع فيه حينما تريد أن تبرز نفسك الطفولية في صورة مؤرخ فأين أنت من المواكبة التاريخية لأحدات كنت في اللفة حينها وأين أنت من الانصاف لمن أفضى الى ربه ما وجدت الا أنك تريد تشترى شئ من الشهرة بوسائل منحطة

mido g 2006 يقول...

علشان تعرف ان بتوع الدويقةسايقين الهبل على الشيطنة

eZz " the junior " يقول...

لأ و اللى يحرقك أكتر انو يقولك مليون جنيه فقط
........!؟؟