الأحد، سبتمبر 27، 2009

قيادات بالصف الثاني داخل الإخوان تحذر عاكف من الإنشقاق عن الجماعة اذا حاول التيار المحافظ منع تصعيد العريان لمكتب الإرشاد

قالت مصادر مطلعة داخل جماعة الإخوان المسلمين أن عددا من قيادي الصف الثاني والثالث داخل الجماعة يعتزمون مخاطبة مهدي عاكف المرشد العام لمطالبته ومكتب الإرشاد بتصعيد عصام العريان عضوا بالمكتب خلفا لمحمد هلال وذلك كما تم تصعيد محمد مرسي لعضوية المكتب في 2004 وتصعيد محمود حسين في عام 2006 وأوضحت المصادر أن قاعدة أرسها مكتب الإرشاد بأنه في حالة وفاة أحد أعضاء المكتب يحل محله عضو مجلس الشوري الجماعة الذي حصل علي أعلي من 40 % من أصوات الناخبين في اخر انتخابات اجرتها الجماعة للمكتب وهو ما ينطبق علي عصام العريان حيث حصل علي أكثر من 40 صوتا من 105 وهو ما وفر له نصابا لائحيا زيادة عن ال 40 % خلال الانتخابات التي اجرتها الجماعة في العام الماضي واثمرت عن تصعيد خمسة أعضاء بالمكتب وهم سعد الكتاتني وسعد الحسيني ومحمد عبد الرحمن وأسامة نصر ومحيي حامد
وقال المصدر الذي رفض ذكر اسمه اسمه أن التصريحات التي أدلي بها محمد حبيب نائب المرشد " للدستور " نهاية الأسبوع الماضي أن هناك رأي يؤكد أحقية العريان في التصعيد لمكتب الإرشاد بشكل آلي وهو ما يؤكد موقفهم بينما حذر المصدر الذي يشغل مسئولية أحد اللجان المركزية داخل الجماعة من أن تفوت مجموعة التيار المحافظ المسيطرة علي الإخوان هذه الفرصة علي العريان حيث قد قال حبيب في تصريحاته بأن رأيا آخر يقول بعدم جواز انضمام العريان باعتبار الانتخابات التي جرت العام الماضي جزئية ولم تشمل المكتب وأضاف المصدر أن القاعدة تطبق حسب هوي المحافظين داخل الجماعة فعندما وافق تصعيد مرسي وحسين مزاجهم تم دون انتخابات أو الرجوع لمجلس الشوري وعندما يأتي الدور علي العريان تتصدر حجج عدم اماكانية اجتماع مجلس الشوري لانتخاب عضو جديدا , وكشف المصدر أن هذه الحجج ستزيد من حالة الإحتقان الداخلي من ممارسات التيار المحافظ مما قد يؤدي لانشقاق تيار كبير داخل الجماعة .
وفي نفس السياق تناقل شباب الإخوان الخبر الذي انفردت به " الدستور " ثاني أيام العيد بوجوب تصعيد العريان لمكتب الإرشاد خلفا لهلال علي مدوناتهم وعبر موقع الفيس بوك معلنين تضامنهم وتأيدهم له .
وكان محمد حبييب نائب المرشد قد أدلي بتصريحات صحفية الأسبوع الماضي قال فيها أن اختيار خلفا للراحل محمد هلال في مكتب الإرشاد سيحتاج إلي مشاورات موسعة بين أعضاء مكتب الإرشاد و مجلس شوري الجماعة حيث تعدد الآراء من أهمية دعم المكتب بأعضاء جدد من عدمه
وأوضح حبيب من الآراء التي سينقاشها المكتب أحقية الدكتور عصام العريان في التصعيد لعضوية المكتب بشكل آلي حيث أنه كان أعلي المرشحين الخاسرين في الانتخابات التكميلية الأخيرة التي جرت العام الماضي مضيفا أن هناك آراء أخري بعدم جواز انضمام العريان باعتبار الانتخابات التي جرت العام الماضي جزئية ولم تشمل المكتب كله مما يستدعي أن دعم المكتب بعناصر جديدة خاصة مع تواجد خمسة من أعضائه في السجن وهم خيرت الشاطر ومحمد علي بشر وحمود حسين وعبدالمنعم أبو الفتوح وأسامة نصر وهو ما قد يحتاج إلي انتخاب مجلس شوري الجماعة أعضاء جدد سواء في انتخابات جزئية أو شاملة لمكتب الإرشاد موضحا أن مجلس الشوري الجماعة لم يستطع جمعه منذ عام 1995

45 تعليق:

KIMOOOZ يقول...

لا بجد حلوه اوى حكايه رفض ذكر اسمه ده
بجد ضحكتنى جدا
انت بقى قعدت مع كل القيادات اللى فى الصف التانى و التالت و سمعتهم و همه بيتفقوا مع بعض على الانشقاق
هو يعنى عشان الدستور قالت انه هيتصعد يبقى لو متصعدش يحصل انشقاق
انت بنفسك قايل ان حبيب اللى انت بتقول عليه من الحرس القديم و معرفش ايه قال ان فى رأيين و انهم لسه هيناقشوا الاراء

و موضوع الاستدلال بتصعيد مرسى و حسين استلال فاسد اصلا لأنهم كانوا واخدين اصواتهم من انتخابات شامله و غير جزئيه

بص يا تكتب المعلومه كامله يا متكتبش اصلا
لان كده بيدل على حاجه من اتنين
يا اما انت مش فاهم حاجه
يا اما انك مش لاقى كلام تقوله بقالك فتره فما صدقت تلاقى طينه تلغوص فيها

محمد خيري يقول...

انت اسوا من الاهرام والجمهورية بموضوعك ده

للعلم الصف التاني والثالث .. متربيين في الإخوان .. ومتربيين كويس .. وجدا .. وتربية خاصه .. ويعرفوا قواعد الإخوان أحسن منك بمراحل وانا مش هصدق حكاية مصدر صف تاني .. لأنه لو مصدر حسب ما وصفته يبقى انت حورت كلامه بالكامل

واربأ بك ان تحور في كلام الناس (المصادر) .. فأظن أنه مصدر صف سابع وثامن .. واتناشر .. بس بقى تاني وتالت

صحافة بقى

أخطاء المقال بين الأقواس

"وكشف المصدر أن هذه (الحجج) ستزيد من حالة (الإحتقان الداخلي) من ممارسات (التيار المحافظ) مما قد يؤدي (لانشقاق تيار كبير) داخل الجماعة .

وفي نفس السياق تناقل (شباب الإخوان الخبر) الذي انفردت به " الدستور " ثاني أيام العيد (بوجوب) تصعيد العريان لمكتب الإرشاد خلفا لهلال علي مدوناتهم وعبر موقع الفيس بوك (معلنين تضامنهم وتأيدهم له ).

تفوت مجموعة (التيار المحافظ المسيطرة) علي الإخوان...

عندما وافق تصعيد مرسي وحسين (مزاجهم)..
----------------

والبقاء لله

غير معرف يقول...

انت االمفروض تشتغل فى المصرى اليوم مع مجدى الجلاد
بجد حاجة مقرفة
ونعم الصحافة الصفراء

مواطن مصري يقول...

ما تبقى حزبي و ابعد عن الاخوان

أصل مستغرب و الله يا استاذ منعم

انت ازاي من الاخوان و الاخوانجية بيشتموك
؟

تحياتي

م/ رشا محمود يقول...

ايه ده حضرتك جايب الكلام ده منين
انا متوقعتش ان حضرتك يا استاذ منعم اللى تكتب الكلام ده
واستحالة اصدق ان استاذ حبيب او اخوانا يقولوا الكلام ده
يعنى ايه يحصل انشقاق فى الجماعة لو استاذ حبيب ماتصعدش

عمرو سعد يقول...

حتى انت يا أستاذ عبدالمنعم بتتكلم عما يسمى التيار المحافظ والكلام الغريب ده !!
لو حضرتك قلت إنك بتتكلم بحيادية ، إذن ما تقولش إنك من الإخوان ، لأن الشخص المحايد لا ينتمي لأي طرف ، وكيف تنتمي لقوم وتتكلم عنهم بلسان الآخرين ؟!!

دمت بخير ، ولك تحياتي ..

كريم مصطفي سيد يقول...

نفسي اعرف ليه مش بترد علي الناس ولا بتعترف بخطأك انا كنت محبك جدا وكنت مثل لي في حاجاات كتيره لكن العيب مش فيك العيب فيه لرباك من الاخوان لانهم السبب وللاخ قلي قال روح اشتغل مع مجي الجلاد ققوله الاحسن يشتغل مع البرعي وعلي امين كلاب امن الدوله في الاسكندريه

بحب كل الناس يقول...

منذ ان تعرفنا على الاخوان لم نرى ديكتايورية فى تنفيذ الاوامر

والحقيقة انا مش عارف انت بتجيب الكلام ده منين

وبعدين فضيل المرشد او غيره اذا عارض تصعيد الدكتور عصام من الذى اعطى لهم الحق فى ذالك وهما اساسا جأوء الى مناصبهم القيادية بدون ترشيح انفسهم
ونتمنى ان ترد اذا كنا نحن المخطئين

وبالله عليك بلاش اسلوب الصحافة التى تريد ان تزود من مبيعات الجريده

رضا المنياوى يقول...

ازيك يا استاذ عبد المنعم يارب تكون بخير
بصراحة انا شايف ان الموضوع ده مش هيفيدنا بحاجة انن نتكلم فيه ياريت نختار فعا مواضيع ليها أهمية
والسلام عليكم ورحمة الله وبركاته

fathys يقول...

أنا كل مرة آجي هنا .. ألاقي نفس التعليقات !
الاخوان لا يعجبهم ان يكون بينهم تيارات و اتجاهات مختلفة .. يعني لازم يكونوا كلهم مية واحدة ..كلهم حسن البنا رحمة الله عليه .. لا يتنازعون السلطة التي تنازعها الصحابة اللي أقل واحد فيهم بمليون من الاخوان ..!
هي بقت جماعة الاخوان الملائكيين و لا ايه ؟
و واحد يقولك ..دول متربيين كويس .. هو ايه علاقة الصراعات السياسية بالتربية .. ده على كده لما المرشد قال طز في مصر و أبو مصر يبقى مولانا لم يعرف التربية .. و لا ايه؟؟؟

حلمى من القاهرة يقول...

و الله و اقسم بالله انى بيصعب على بعض الشباب المغيب اللى ما يعرفش حاجه عن الجماعه من جوه ، جهله و بيفكرونى بالشعب المصرى اللى بيقول ان مبارك ده راجل كويس و الغريب انهم قلالات الأدب برضه مش متربيين كويس و اغلب المعلقين هنا من بتوع الرحاب أو حسام حميده أو محمود ابو ريا او حتى من اخلاق المؤمنين ، عاملين يعنى أو حتى عاملين عاملين، يا ولاد و يابنات غلابه بطلوا سفاهه و حاولوا تعرفوا الجماعة اللى انتو فيها او ناويين تدخلوها كويس و انت كده عاملين زى شاهد مشافش حاجه

د/عصام حيدخل المكتب و اى محاولات للتحايل على اللايحة حتكون النتايج ضد وحدة الجماعه

غير معرف يقول...

الى كريم مصطفى سيد ، عيب يا رويبضه انك تتهم حد بالعماله و احب ابشرك يا غير مؤدب انك انت حتبتلى بأن تكون عميل امنى بصحيح ، يا كريم برعى

أما محمد خيرى ، هل عندك كلام موضوعى و لا شتيمه بس و فعلا الاخوان لمت كمان القومجيه و بتوع حزب العمل و لا ادرى كيف صعدك الاخوان ان كنت متصعد اصلا

و يا كيموز حاول تصحح معلوماتك

الأخت رشا ، شكلك دخلت هنا غلط ، احنا بنتكلم على الاخوان

و الله فعلا انتم مصريين اكتر من المصريين داخليت تعلقوا و تغلطوا فى الراجل و تهينوه و تتهموه بالعماله و انتم جهله و مغيبين و علاقتكم بالجماعه لا تزيد عن دايرة ربط عام

و اذا حد منكم عنده و عى و لا فهم يقول كيف يتم اختيار عضو مكتب الارشاد

ده مسئولينكم نفسهم ما يعرفوش ، روح يا بنى يا جاهل انت وهو اسأل مسئول مكتب محافظتك الادارى و تعال اتكلم بدل إلة الحيا بتاعكم ده

كريم مصطفي سيد يقول...

ال غير معروف احب ققله مسئول المكتب قال مينفعش الدستور مع الاخوان واختار انت ياعبد المنعم والمعلم اختار الشهره والمجد لولا الاخوان ما وصل( عبد المنعم ) الي هذه الشهره فعبد المنعم هو الان ليس من الاخوان ولا يوجد في الاخوان كما يدعي تيار محافظ والتيار التاني فلي بيقول عليه وذا كانت توجد هذه التيارات كنا نقول الان يا رحمان يارحيم علي الجماعه والحمد لله لايوجد اختلافات ولا يهمنا من يطلع لمكتب الارشاد او من ينزل او من يأتي واذا طولبنا للانتخاب احد الاخوان للصعود لمكتب الارشاد سنحتار لان كل قيادات الاخوان جاهزه لفدي الاسلام .

غير معرف يقول...

أخي كريم ، هل تأملت يوما فى أحوال جنود الأمن المركزى ، شفت قوتهم و لياقتهم و انضباطهم ووقفتهم المشدودة حيث لا ترمش لهم عين ، هل رأيتهم في مظاهراتنا و هم ينفذون الأوامر بالاعتداء علينا و التهجم على أخواتنا ، هل شاهدتهم و هم يصيحون تمام يا فندم و يعتدون على خيرة شباب البلد ، تأمل فيهم جيدا يا كريم فإنهم أنت ، و أنت ومن يشبهونك هم ، آخرك جندى أمن مركزى فى الاخوان يعتقد انه يتقرب الى الله بالشتائم و السفاهة و الاتهامات بالعماله وآخرك علقة من الشاويش بتاعك لأنك مثلهم ، أحمق ، سطحى ، عبد الأمور

أبو حذيفة يقول...

منعم ايها الشباب عاد اليكم من جديد فى وجه قبيح جديد بعد الزواج يدلس ويزور واراه لولا ذلك ما استطاع فى شهور قليلة ان يكون سكرتير تحرير الدستور الاسبوعى مكافاة من الشيوعى الكبير ابراهيم عيسى وبعدين هو معلق على التدوينات بغير معروف ليه .؟؟؟؟؟؟؟؟؟؟؟ علشان يشتم حلو؟؟؟؟؟
منعم حبيبى اوفست ويالا روح نام اشرف لك

وليد إبراهيم يقول...

السلام عليكم ورحمة الله وبركاته
لم اكن اتوقع يوما ان ارى مثل هذا الحوار بين الاخوان.يا اخوانا انا لما بسمع الكلام ده بدايق زيكم واكتر ولكن الحل ان احنا نسد ودانا ونسكت ونقول مفيش اختلاف بين قيادات الجماعةودول ناس متربيين والكلام ده.
يا اخوانا محدش شكك فى أشخاص حد أو فى اخلاصهم ولكن قد يكون هم كل أخ هو الدعوة ولكن من وجهة نظره. ده الصحابة كانوا بيختلفوا والتاريخ نقل لنا كده ولم يستحى من ذلك المسلمون الاوائل.وبعدين الواحد بيقرأ مقالات الدكتور عصام والدكتور عبدالمنعم بيلاقى اختلاف عظيم بينهم وبين الدكتور مرسى والدكتور عزت
وبعدين اللى مش مصدق الخبر خلاص هو حر براحته لكن هذا السباب غبر لائق تماما.
يا اخوانا ده اللى مختلف معانا فى العقيدة مش المفروض نتكلم معاه كده .
وانا وجهة نظرى ان الجماعة لن تتطور الا اذا اخذت الانتقادات الموجهة اليها مأخذ الجد(احنا مش ملائكة)ويا ريت يكون النقد مهذب زى الدكتور العوا لما بينتقد الاخوان.
متأسف على الإطالة وسوء الصياغة

الكواكبي يقول...

انا تعليقي محتار اوجهه لمين؟!! للشباب السذج اللي مقتنعين بأن كله تمام وان الإخوان بتربوا على خط انتاج واحد بيطلع قوالب وتماثيل شبه بعض بالمللي!! لو انتوا فاكرين الإخوان كده تبقى كارثة . . لا الإخوان كده ولا الإسلام كده. ومن ايام دولة المدينة كان فيه مدرسة الصلاة في بني قريظة ومدرسة الصلاة في الطريق واتبعها مدرسة الرأي ومدرسة الحديث
والإخوان طول عمرها فيها زخم فكري وشد وجذب بس بدون قلة أدب . . عايزين امثلة؟
الشيخ الغزالي رحمة الله عليه كان وكيل الجماعة واستقال لعدم رضائه عن الطريقة التي تم بها اختيار المستشار حسن الهضيبي مرشداً ثانياً بعد الإمام الشهيد
الشيخ الفقيه السيد سابق ايضاً استقال لإعتراضه على اسلوب ادارة الجماعة في غضون 1951 على ما اتذكر
لا اريد الإسهاب في الأمثلة لأن ما اود تبليغه ان الخلاف لا يعني ان الجماعة ستنهار او أن المخالفين عملاء . . حبة أدب من أداب الإسلام . . ولا الإخوة الشتامين دول غابوا عن كل الأسر التربوية والكتائب اللي الإخوان اتكلموا فيها عن الأدب!!!

الجزء التاني موجه للباشمهندس عبدالمنعم . . يا منعم انا ما شفتش حد عنده غباء مهني زيك!! انت بتخسر مصادرك الصحفية وبتحرق كل جسور التفاهم بينك وبين الإخوان على كلام فارغ . . صف تاني ايه وتالت ايه وزفت ايه؟!! وبعدين يا عم انت حد اشتكى لك؟! ده دكتور عصام نفسه مستنكر اللي انت بتهببه ده!!! وبعدين مين الجحش اللي بيهدد الأستاذ عاكف وبيهدده بايه ان شاء الله؟ بينهم جوابات ولا عليه كمبيالات تقسيط؟
يا بني آدم اذا كان انت نفسك ساعة الإنتخابات اللي فاتت كتبت وقلت ان المرشد متمسك بدكتور عصام يبقى الإخوة اللي راكنين صف تالت دول بيهددوا المرشد ليه
اتقي الله وبطل فذلكة . . انا لو من المحافظين دول والله لأعند وما اخلي العريان اللي بيدافع عنه حد باللهجة دي يعتب المكتب . . انت اكتر واحد اضر الدكتور عصام بالغثاء اللي انت كتبته ده

دي مقدمة بسيطة للكلام اللي هاقولهولك اول ما اشوف خلقتك السمحة

عبد الجواد يقول...

صعبان علي موووووت يا ابني والله
اللي انا نفسي اعرفه هو فين الصف الثاني والثالث اللي عبرك واتكلم معاك ده
انا اعتقد انه اي شبل من اشبال الاخوان مش هايضيع معاك دقيقة لانه عارف انت مين وبتقول ايه !!!!
وعلي العموم اللي لازم تعرفه انه ما في حد عاقل ممكن كلامك يدخل دماغه
واعتقد انه واجب عليك علي الاقل ترد علي التعليقات يمكن لا سمح الله تطلع صح ولا حاجه
ويا ريت تبقي تحجزلي مكان في اي صف من الصفوف اللي بتشوفها في الحلم دي مش علشانحاجه بس اكتر من اني عايز اتفرج بس علي الوهم الكبير اللي انت فيه

غير معرف يقول...

"قد يعلم الله المعوقين منكم والقائلين لإخوانهم هلم إلينا ولا يأتون البأس إلا قليلا اشحة عليكم فإذا جاء الخوف رايتهم ينظرون إليك تدور اعينهم كالذي يغشى عليه من الموت فإذا ذهب الخوف سلقوكم بألسنة حداد اشحة على الخير أولئك لم يؤمنوا فأحبط الله أعمالهم وكان ذلك على الله يسيرا"

ردا على عبدالمنعم محمود وزملائه حلمي وغير معرف

الكواكبي يقول...

الأخ الغير معرف اللي بيستشهد بالأية اقول له اتق الله انت بتستشهد بالآية دي في مواجهة خبر مكتوب بصياغة رديئة؟! طب لو جيت ترد على عبدالله كمال هاتكتب له ايه؟!!!!!!!!

rasha mahmoud يقول...

تصدق حضرتك انك اضفت ليه معلومة جديدة يا اخ ( غير معروف ) وهى انكم بتتكلموا عن الاخوان
ده على اساس انى مش بعرف اقرأ ومش قرأت ولا كلمة من المقال ولا عرفت كمان اقرأ التعليقات
ولا على اساس انى معرفش اى حاجة عن الجماعة

لاحول ولاقوة الا بالله
ربنا يهدى

عبدالمنعم محمود يقول...

بداية أشكر اخي اسلام علي نصحه المعبر عن الود والحب الذي يربطنا ولن ينقطع
وتعليقي قد لن يختلف لان الردود تعبر عن عقل واحد يري الجماعة مقدسة وقياديتها من الأئمة المعصومين لا يخطئون ولا ينتقدون
الخبر يعبر عن فصيل داخل الجماعة وداخل التنظيم صرح بهذا الكلام ردا علي تصريحات الدكتور حبيب
العجيب لما نقلت راي الدكتور حبيب كنت كويس ولما نقلت وجهة نظر اخري ابقي خاين وقلة الأدب اللي موجودة
والعجيب ايضا ان الفصيل اللي منقول عنه الخبر هو بيعبر عن خوفه علي الجماعة من سياسات انتجت العقول اللي عماله تشتم ومش بتفهم يعني فصيل حريص علي هذه الجماعة وتاريخها ودورها في المجتمع
وتحذيرهم اللي منكرش ابدا اني مقتنع بيه جدا جدا لا يوجد به اي نوع من التهديد بل هو تحذير المحب
لكن انا عارف انه مفيش فايدة
اللي عايز يفهم ده خبر نقلته عن ناس حابه لا تذكر اسمها ولما يرحوا للمرشد ابقوا اسألوا فضيلته وهو رجل صريح للغاية وياريتكم تبقوا تستفيدوا منه حاجة في قناعته بتنوع الآراء
زي ما نقلت اخبار تانية نزلت في المساحة نفسها أو أكبر كمان تعبر عن راي المخالف زي حوار الدكتور عزت اللي جالنا الدستور وقعد معنا ساعات وكمان اهتم انه ينزله علي موقع الجماعة
يبقي اللي يحب يفهم انا بقعد وبنقل رأي كل الأطراف واللي مش حابب يفهم أو مش بيعرف يفهم براحته

عبدالمنعم محمود يقول...

امر آخر انا أجرأ بكتير من اني أعلق باسم مجهول وان كنت اختلف ايضا مع المعلقين المجهولين انهم لم يعفوا انفسهم وتجاوزهم في الرد علي الناس بتوع الشتيمة

غير معرف يقول...

نفى الدكتور عصام العريان مسئول المكتب السياسي بجماعة "الإخوان المسلمين" ما تردد عن وجود انقسام داخل الجماعة حول مسألة تصعيده لمكتب الإرشاد خلفا للقيادي الراحل محمد هلال، ردا على ما أثارته تقارير صحفية بهذا الخصوص.
وكانت تلك التقارير تحدثت عن وجود رأيين متضادين في مسألة التصعيد؛ الأول يؤكد أحقية الدكتور عصام العريان في التصعيد، نظرا لحصوله على 40% من أصوات الناخبين في الانتخابات التي جرت العام الماضي، في حين تؤكد وجهة النظر المعارضة عدم أحقيته في التصعيد، لأن الانتخابات السابقة كانت جزئية ولم تشمل المكتب كله.
يأتي هذا فيما توقع ضياء رشوان الباحث بمركز الدراسات السياسية والاستراتيجية بـ "الأهرام" تصعيد العريان لمكتب الإرشاد وهو أعلى هيئة داخل الجماعة لعدة أسباب؛ أولها أنه حقق النصاب القانوني بحصوله على نسبة الـ 40% من الأصوات، والسبب الثاني هو أن المرشح ليس محل خلاف بين أعضاء الجماعة.
وشدد رشوان في تعليق لـ "المصريون" على أهمية تصعيد العريان، تفاديا لحدوث احتقان وانقسام داخل الجماعة، وقلل من أهمية الرأي المعارض لتصعيده، ووصفه وجهة نظره بأنها غير صحيحة ولا محل لها من الصحة

عبد الجواد يقول...

لا يا احبي ما تعيش دور المظلوم الله يخليك
مين اللي قال ان التعليقات لا تعبر الا عن قدسية القيادة وعصمتها ابدا
نختلف جميعا مع من يتحدث من شباب الاخوان بتلك اللهجة التي ذكرتها وتعليق اسلام يوضح ذلك تماما

اختلافنا مع مقالك يا صاحبي ليس من باب عصمة قيادات الجماعة ولا لأن الاخوان منزهين عن اي خطأ
اختلافنا معاك يا منعم لانك تفترض وتتخيل واقعا صورته لنفسك وبناءا عليه كتبت خبرا آسف شخصيا ان اسميه بانه خبر كاذب ولا يتعلق بالواقع
وكون انك تحدثت مع فرد من الاخوان ايا كان موقعه وكان هذا رأيه فهذا لا يعطيك الحق من التحدث نيابة عن ما سميته بالصف الثاني والثالث وافتراض مور وهمية تتخيلها والادهي من ذلك انك تصور الامر وكأن هناك فريقا من الاخوان وشبابهم يهددون فضيلة المرشد .
وعموما يا ريت توصل رسالة لمن يهدد مثل هذا التهديد ( ان وجد ) انه بعينه انه يطلع حد من شباب الاخوان ويتحدث مع اساتذتنا بتلك اللهجة التي ذكرتها فنحن بالعند في الجميع نختلف مع قيادتنا ونوضح لهم آرائنا وهذا حقنا ويشجعنا عليه اساتذتنا ولكننا نفعل ذلك بما تربينا عليه في الجماعه من مراعاة لكل الحقوق الادبية والمعنوية لمن هم اكبر منا سنا ومقاما .
ويا ريت توضح يا منعم لماذا استنكر الدكتور عصام عليك هذا الموقف وواجهك بذلك شخصيا كم اذكر اسلام !!!!!!!

كريم مصطفي سيد يقول...

الي غير معروف
بجد ضحكتني جااامد ربنا يشيفك وشكلك الانتيم بتاع انا ؟؟؟؟

KIMOOOZ يقول...

مش ممكن يا ربى
نفس الكلام على كل موضوع فى المدونه ديه

الاخوان مقتنعين ان منعم صبأ
و منعم مقتنع اننا قوالب و مش بنفهم و مستنيين سيادته يوعينا

يا منعم بالله عليك حاول تفرق بين اللى بينقد مقالك و كلامك بس و بين اللى بيشتمك و خلاص

معظم اللى دخلوا هنا كانوا بيتقدوا الكلام اللى فى المقال
و انت لو بترد على كل تعليق بيتكتب مكنش اتكتبا لكلام ده
انت تكتب المقال و تقعد بقى تسيب الدنيا هايصه و تستنى لغايه ما كام واحد اهطل يخش يشتم تقوم انت بقى داخل عامل فيها شهيد حرية القلم و انك يا عينى كلهم بيشتموك مع انك عايز مصلحتهم

بالله عليك بلاش الدور الممل ده
و عيب لما اكتب تعليق على مقالك و متردش عليا او على غيرى

يااخى لما ابقى كاتب تعليق حمض مردتش عليه و بعدين تخش ترد على اخر تعليق بتاع الكواكبى مع انه برضه شتمك و بهدلك ده اسميه ايه
انك مش عايزنا نكتبلك تانى و لا ايه يعنى
احتم الناس اللى بتخش تعلق على كلامك يا اخى
اعوذ بالله

أبو حذيفة يقول...

المتابع لكل تلك التعليقات والتدوينات من شباب المدونين اللى كلهم اخون يستنتج انه على الرغم من انه من الممكن ان يكون الشباب يعانوا من بعض المضايقات الادارية ف مناطقهم الا انهم يختلفوا مع قادتهم باسلوب راق ومحترم فى الوقت ذاته يرفضوا ان يتم المساس بقادتهم واستذتهم من الاخوان بشكل قليل الادب وان يتم اهانتهم على صفحات الجرائد تحت اى مسمى
فى الوقت الذى لا يستطيع منعم ان يقوم بالتفريق بين الخبطات الصحفية والسبق الصحفى والشرف المهنى واحترام الاخرين وخاصة ان كانوا من الذين كان لهم فضل كبير عليه حيث هم من اخرجوه الى عالم الصحافة وعملوا منه صحفى المفترض انه يكون محترم
واعتقد من الاخر ان افضل حل هنا لحل تلك الاشكالية وفض هذا الاشتباك هو التجااااااااااااااااااااهل التام له ولما يكتبه لعل وعسى ان يعرف يوما ما انه كان مخطئ ........ الغريب ان لافقهاء منعم قديما فى هوجة التدوين التى خرجت من فترة كبيرة تناقش العمل الاخوانى من الداخل والتربية واساليبها هم انفسهم الان الذين يوجهون سهام النقد القاسية له .... حد عنده تفسير للكلام دا ؟؟؟؟؟؟؟ ياريت منعم يقول لنا
ملحوظة صغنونة: ياريت كل شباب الاخوان يرجعوا للائحة الداخلية للجماعة ويقروها كويس ويسألوا استذتهم يشرحوها لهم وهيعرفوا ان صعود الدكتور العريان للمكتب مش قانونى نهائيا............... انا مش ضد صعود الدكتور العريان ... على الاطلاق انا شايف ان صعوده فائدة كبيرة للجماعة ولكن مادام هناك لائحة وهناك بيعة والتزام يبقى لابد من احترام كل دا والللى مش عاجبه يروح يشتغل فى الدستور وعجبى.............

ساهر يقول...

أبو حذيفة
اشكرك على موضوعيتك و لكنها موضوعية مع شوية كراهيه ، من حقك تكره عبد المنعم و لكن مش من حقك انك تفرض علينا أسلوبك فى الكراهيه يبدو ان صدرك يشتعل منهم غيره و المدونين عاملين لك ازمة و قد دخلت مدوتك فوجدتها تعبر عن حالتك فعلا

تدعى ان د/عصام مش قانونى
كويس
ممكن تقولى مين جاء بانتخابات شرعيه فى الجماعه و مين جه بالتعيين ، تعرف ، يابنى مهما كنت بتكره حد حاول تكون عادل ،

حاجه تانيه ، انا حاسس انك حاجه هامشية جدا فى الاخوان لأنى بصراحه اجد المفاهيم مش واضحه عندك و الخوف لاتكون منتسب و لا منتظم حتى و يبقى فعلا انت مش عارف و لاعمرك حتعرف و ده مش تقليل من المنتسبين او المنتظمين و لكن لا يوجد احد غير العاملين هما اللى بيختاروا اعضاء المجمع و بعدين الشورى و كتير منهم مش عارف المسائل بتم ازاى من مجلس شورى المحافظات الى الشورى العام ، يا كيموز و يا خي رى و يا حذيفه و ياكريم

ما تستعجلوش و حاولو تعرفوا الجماعه الأول كويس قبل ما تبقوا قتلى فى معركة غلط و مش حتكونوا شهداء ابدا ، و ساعتها حتندموا جدا لما تلاقوا نفسكم ضيعتم عمركم فى الوهم ، افهموا الجماعه صح و حاولوا تقروا كويس

اخوان حتى القى الله يقول...

و الله و الله الذى لا إله الا هو ان فيه مؤامرة بتخطط منذ 4 أيام للأستاذ عاكف عشان الراجل المحترم ده واقف بكل قوة أمام قوى النظام الخاص اللى فى الجماعه و اللى عاوزين يمنعوا دخول د/عصام للمكتب و لما كنت فى المكتب من يومين تأكدت بنفسى و شفت الضرب فى الأستاذ عاكف تحت الحزام ، حسبنا الله من المجموعة الغير شرعيه و مؤامراتها التى لا تتوقف و تقدروا تزوروا المكتب و تتأكدوا من الحرب التى يتعرض لها أ/عاكف

Fathys يقول...

تصدقوا و تآمنوا بالله .. كل لما ادخل المدونة و أشوف شباب الاخوان أقول يستاهلوا اللي بيحصل فيهم من الحكومة أصل هم الاثنين شبه بعض .. الفارق الوحيد ان دول بيلعبوا عسكر و دول بيلعبوا حرامية ..
اسلام منين و ضرب تحت الحزام منين ؟ هو انتم بجد جماعة اسلامية و لا حزب سياسي .. أصل الاثنين مش راكبين يا حلوين !
مؤامرات و انقلابات و قرف .. امال لو حكمتكم مصر في يوم من الأيام ( يا رب احفظنا) هاتعملوا ايه بجد ؟

سؤال مهم لعبد المنعم .. هو انت اخوان ليه يا أستاذي الفاضل؟

غير معرف يقول...

مازن
غريب جدا ماقراتة من تعليقات بعضهم يشتم ويتهم بالعمالة والاخر مش فاهم حاجة ومجموعة كل حاجة حلوة والى يقولة الاساتذةجميل مع (كل التقدير لجهادهم )لابد ان نعرف ان لو كل حاجة صح داخل الاخوان لكانوا حققواهدفهمالغريب ايضا كيف لايكون د/ عصام فى مكتب الارشادوهو الشخص الذى يعرفة العالم ويكون هناك اخرون فى المكتب لايعرفهم الاخوان فى محافظاتهم مع خالص الاحترام لهم ولكن اليس هذا غريب حقا يجب ان نسعى لتربيه افضل تقوم على الاحترام والابتكار والابدع والتطوير لا الطاعة العمياء والشتيمةوالردبدون تفكير والغاء العقل

KIMOOOZ يقول...

يا ناس يا هو
يا اخ ساهر
يا اخ عبد المنعم
يا اى حد بيفهم هنا
حد بالله عليكم يفهمنى هو ايه بقى كل واحد يخش يقول افهموا الجماعه الاول و بعدين اتكلموا
عايزين يعنى تقولو ان احنا مضحوك علينا و انهم كلهم على بعض كده شويه كدابين و عاملين فيها اسلاميين و همه بيطبخوا الانتخابات كل مره و ان احنا نايمين على ودانا و كده
طب انا معاك ان مفيش اى وسيله تؤكد الكلام ده او تنفيه
لكن فيه حاجه اسمها ثقه ان اللى اتربى على المنهج اللى بنتتربى عليه مش بيطلع غشاش و منافق و بتاع تلات ورقات
و يا ريت الاخ عبد المنعم يقولنا حاجه واحده واضحه توحد ربنا تقولنا ان فعلا فى مؤامرات بتدبر و يدينا دليل على كده
مش كل مره يطلع يقول اصل فى واحدى قالى انهم بيعملو كده
هو اه مش بيقولها بنفس الاسلوب ده
لكن مضمونها كده
ايه اللى يخلينى اكدب تربيتى و ثقتى فى قادتى و اصدق واحد بيقولى مصدر مقالش اسمه و ايه هو اهميه هذا المصدر مش ممكن يكون كداب و عايز يعمل بلبله

انا مش بقول اننا ملايكه انا اكتر واحد عارف ان في نماذج فى الاخوان عايزه الحرق لكن مش كله كده يا جماعه
هو فى ايه يا ناس
كله نقد نقد نقد
مفيش شتيمه و لا ايه
حد يوقلنا حاجه بتحصل حلوه فى الجماعه يا ناس يا هو
كل ما اخش اى مدونه الاقى الاخوان بقوا وحشين
الاخوان بيعملوا مؤامرات على بعض
الاخوان مبقوش زى الاول
الاخوان حراميه
اللى يجن ان اللى بيكتب كده اخوان او مصر انه اخوان
و اللى يجن اكتر ان مفيش اى دليل واقعى على اللى بيقوله الا تجارب شخصيه حصلت معاه و لا يمكن تعميمها على جماعه بهذا الحجم او ان تكون مشاعر سلبيه خاصه بيه ملناش دعوه احنا بيها

حد يرد عليا ارجوكم
على فكره يا ا منعم انا بعتلك ميل من فتره و قلتلك فيه نفس الاستفسارات تقريبا و انت رديت و قلت حبقى ارد عليك بعدين و لا عبرتنى
فيا اما ترد عليا على الميل او هنا

غير معرف يقول...

رسائل SMS تطالب بتصعيد "العريان" لمكتب "الإرشاد"
اليوم السابع - شعبا هدية

فيما يعد محاولة للضغط على مكتب الإرشاد لتعيين د.عصام العريان رئيس المكتب السياسى بالجماعة، عضواً بمكتب الإرشاد بدلاً من محمد هلال الذى وافته المنية قبل أيام، أرسل عدد من شباب الجماعة حملة رسائل قصيرة "SMS" عبر الموبايل لأعضاء الجماعة والصحفيين والنخبة والسياسيين للضغط على المرشد والمكتب لإنجاز المهمة وإعادة الحق للعريان.

وتقول الرسالة "نطالب بعصام العريان عضواً بمكتب الإرشاد.. أرسل رسالة إلى المرشد " ومكتوب رقم تليفون المرشد العام مهدى عاكف، وهو ما رد عليه عاكف فى عصبية كعادته دائما عند سؤاله عن تفسيره أو رؤيته لهذا الفعل الذى يحدث لأول مرة فى الجماعة، فقال "أنتوا مالكم ومال الإخوان أتركونا فى حالنا، هو ليه الناس مشغولة بالإخوان اليومين دول ما تروحوا تدوروا على حاجة أفيد"، وبالإلحاح عليه للرد على مضمون السؤال، قال "عصام أخونا ومصعد فى قلوبنا والراجل مطلبش حاجة وفيه أصول لهذه الموضوعات ومع السلامة"، وأغلق الهاتف.

أما د.عصام العريان، فقال إنه لا يعلم أى جهة وراء هذه الرسالة ولكنه ألمح إلى إمكانية أن يكون شباب الجماعة المؤيدين لمواقفه وتحركاته هم الذين قاموا بمثل هذه المهمة، وقال "الأمور مستقرة وليس لى أمنيات ولا يشغلنى مثل هذه الرغبة وأعتبر نفسى جندياً فى هذه الدعوة منذ كنت طالبا فى الجامعة، وأقوم بواجبى فى أى موقع ليس بحثا عن مناصب أو مكاسب، ويكفينى أنى أبحث عن إرضاء ضميرى وربى ولا أجد رغبة فى الحديث عن هذا".

وأكد الدكتور محمود عزت أمين عام الجماعة، أن من يطالب بتصعيد العريان لعضوية مكتب الإرشاد له رأيه والجماعة تحترمه، لكن هناك قواعد ومؤسسات والجماعة حريصة على تطبيقها وتطبيق الشورى، أما الشكل الإجرائى والتفاصيل، فالأمن حاسبهم عليها وتم محاكمتهم عليها كثيراً حتى أنه قضى خمس سنوات كاملة بسبب اتهامات بأنه شارك فى انتخابات داخلية للجماعة، ومع هذا فلم يقطع يقيناً باستبعاد العريان من التصعيد، خاصة أنه يطمئن الجميع وكل من يهتم لأمر الجماعة، أنهم حريصون على الشورى واللوائح وسيكون هناك إعلان عن أى موقف لمؤسسات الجماعة بكل شفافية.

ورفض عزت أن يحدد ما إن كان هناك اتجاه لإجراء انتخابات قريباً أم لا ولم يحدد أيضا أسباب التأخير فى إعلان الموقف فى مثل هذه القضية، خاصة أن العريان كان حاصلاً فى انتخابات مكتب الإرشاد التكميلية قبل عامين على 40% من أصوات مجلس الشورى العام.

يأتى هذا فى الوقت الذى تردت فيه أنباء من داخل الجماعة عن عقدهم اجتماعاً الأحد الماضى لجميع أعضاء مكتب الإرشاد لمناقشة أزمة العريان بجانب الرد على اعتقال د.جمال حشمت عضو مجلس شورى الجماعة وعضو البرلمان السابق والقيادى بالبحيرة.

أبو حذيفة يقول...

الاستاذ ساهر اعتقد اننا نحينا القضية الاساسية جانبا وبدأنا فى التجريح الغريب
عموما يا مولانا انت مش مسئولى علشاناقول لك ان كنت منتسب ولا منتسب
وواضح فعلا انك لا تعرف شيئ عن اللائحة الداخلية بتاعة الجماعة والانتخابات
اتمنىان تروح تسال مسئولك وتقول له ى اللائحة فين وياريت تقراها كويس ول فيه حاجة مش فاهمهاانا مستعد اضحى بعشرة جنيه عزومة من جيبى واعزمك فى ساقية الصاوىوافهمك يا حلو اللائحة
ماشى يا حاج ساهر
وبعدين يا سيدى ايوة تصعيد العريان الى المكتب غير قانونى تماما ياريت تبقى تذاكر كويس

هيثم أبوخليل يقول...

للأسف لسه بدري قوي علشان نتعلم نتحاور منع بعض ... أكيد صياغة الخبر بهذه الصورة مأساة ....! لكن تعليق الأستاذ إسلام لطفي حسم الموضوع كلام مركز ومن الأخر ... مع العلم إني زعلان منك يا عم إسلام من يوم ما قلبتنا في مركز ضحايا لحقوق الإنسان بالإسكندرية ...المهم ... لابد أن نتواضع شوية ومن يخطيء يقول أنا غلطت ..لكن المقاوحة والتنظير والفلسفة بتققل الشخص ولن تكبره ..

غير معرف يقول...

أخ هيثم تقصد من تعليقك (أنا مش معاهم)؟

الكواكبي يقول...

الأخ الفاضل هيثم ابو خليل . . رغم اني كده بخرج عن الموضوع بس والله ما قلبت حد. كل اللي حصل اني كنت متطوع بالجهد ده ولقيت خبر نازل في كذا مدونة ووصلني في SMS وهو ما لا يتلائم مع طبيعتي في العمل فاتصلت بالدكتور ابراهيم واعتذرت.
اكيد فيه فرق بين الإعتذار عن شيء واني "اقلبه" على حد وصفك
عموماً ليكوا عندي محاضرة :) مع تحياتي لكل أعضاء المركز 

اسم يقول...

يا أستاذ كواكبى ، هل فعلا انت مقتنع ان نشر الأستاذ عبد المنعم للموضوع يفرق مع د/عصام و دخوله المكتب من عدمه ، اذا كنت فعلا مقتنع بكده يبقى انت مطلوب انك تاخد دورة أو اتنين كمان فى الجماعه و كيفية اداراتها و من هو د/عصام فى الجماعه و اذا كنت لا تعرف فالحمد لله عذرك معاك ، د/عصام سواء نشرتوا و لا منشرتوش مش حيدخل المكتب حتى يلج الجمل من سم الخياط و سواء الشباب الطيب بعتو ماسيجات للأستاذ عاكف و لا مبعتوش ، الموضوع مش فى ايد الاستاذ عاكف ، مسكين الأستاذ عاكف فاكر نفسه مرشد بحق و حقيق و بيفكرنى بالأستاذ التلمسانى الله يرحمه

غير معرف يقول...

النظام السياسي فى بريطانيا

إن النظام السياسي المتبع في المملكة المتحدة هو نظام ملكي بتمثيل ديمقراطي. تكون فيه الملكة إليزابيث الثانية رئيسة للدولة، وجوردن براون، رئيس الوزراء المنتخب، رئيسا للحكومة.

البرلمان

يتكون البرلمان الإنجليزي من الملكة ومجلس اللوردات ومجلس العموم المنتخب، الذين يلتقون فقط في المناسبات ذات الطابع الرمزي، أي عند افتتاح البرلمان، عندما تستدعي الملكة أعضاء مجلس العموم إلى مجلس اللوردات. ويطلب عادة اتفاق الثلاثة لتمرير القرارات، إلا أن صوت الملكة في هذه الحالة يكون شكليا.

وهكذا هو النظام السياسى في الإخوان

فالمرشد مثل ملكة بريطانيا ، منصب شكلى و رئيس الوزراء هو أمين عام الجماعه أما كبير اللوردات فهو د/حبيب

غير معرف يقول...

انت انسان غريب .. !

ربنا يهديك

jim_safouane يقول...
أزال المؤلف هذا التعليق.
jim_safouane يقول...

شكرا أخي على نقل الرأي والرأي المخالف
وهذا طبيعي جدا

أخوك من إخوان الجزائر

mustafa ezzudin يقول...

أنا متفق مع أ. عبد المنعم

وبالمناسبة معظم الإخوان اللي قابلتهم بينتمو للتيار المحافظ ده
وعندهم انغلاق فكري غريب وعدم تقبل للآخر..
وبيسمو ده: الثقة.
أنا مش فاهم ازاي جماعة تقول إنها ديمقراطية وفي نفس الوقت عندها حاجة اسمها الثقة دي.
في الديمقراطية فيه تشغيل للدماغ وطرق حقيقية لمحاسبة المسؤول عنك .. ولوائح وانتخابات تنفذ فعليا على الجميع..
بالمناسة أخواننا المحافظين دول هما اللي خلو ناس كويسة كثير يسيبو الجماعة

معا نتطور يقول...

معتز-
من السودان
بغض النظر عن الخلاف في الجماعة العظيمة أكثر ما لفت إنتباهي الإساءات من بعض الإخوة للأخ عبد لمنعم ومحاولة تصويره كعميل وهو يقول انا من الإخوان؟؟! كذلك محاولة تصوير الوضع بشكل مثالي للغاية داخل الجماعة وإستنكار الخلاف وحدوثه وهذا أمر عجيب!
ياشباب الإخوان في مصر أنصحكم من واقع تجربتنا في السودان..إياكم وان تجعلوا من الإخوانية كارتا أحمرا ترفعونه في وجه المخالفين في الرأي..لاتجعلوا الولاء والبراء في الجماعة بل في الدين..والجماعة جزء من المسلمين وليست كل المسلمين كما قال الإمام الشهيد البنا..إسمحوا بالرأي والرأي الآخر..أفتحوا النوافذ..حاوروا بعضكم بعقل مفتوح بعيدا عن اللوائح والنظم فأنتم في النهاية إخوة.
حتي جماعة الصحابة حدث فيهاالخلاف..وماحادث السقيفة إلا دليل ولقد توفي الصحابي الجليل سعد بن عبادة وليس في عنقه بيعة لأحد بعد الرسول صلي الله عليه وسلم..وتأخر بعضهم في البيعة لأبي بكر الصديق رضي الله عنه..وقاتلت السيدة عائشة رضي الله عنها الإمام علي كرم الله وجهه ولم يقل أحد من الناس أن هذا أو ذاك كفر!! فلماذا نخرج هذا أو ذاك من الجماعة بإسم التربية أو غيره! لقد عانينا في السودان من الخلافات كثيرا وذلك عندما يتم قمع الرأي المخالف فيتجه لسلوك أسواء وهو الشقاق.أحبوا بعضكم..حاوروا إخوانكم..أنتم بشر ولستم ملائكة..ووفق الله الجماعة لما فيه الخير لمصر والأمة.