الجمعة، أكتوبر 16، 2009

عاكف يعود إلي مكتب الإرشاد بعد انقطاع أسبوعا اعتراضا علي عدم تصعيد العريان


أفادني زميلي الأستاذ صبحي عبدالسلام المحرر بالدستور بأن الأستاذ مهدي عاكف مرشد عام جماعة الإخوان المسلمين منقطع عن الذهاب لمقر مكتب الإرشاد بالمنيل طوال الأسبوع الماضي ونقل " صبحي " عن مصدر مطلع في الجماعة أن عاكف اعتزل مقر الجماعة الأسبوع الماضي وغاب عن الاجتماع الدوري للمكتب يوم الأربعاء الماضي احتجاجا علي عدم تلبية رغبته بتصعيد الدكتور عصام العريان لمكتب الإرشاد خلفا للراحل محمد هلال

فيما أفادني الدكتور جمال نصار المنسق الإعلامي بمكتب الإرشاد بأنه لايعرف سبب غياب عاكف طوال هذا الأسبوع سوي أنه كان مسترخيا في " عزبته " بالإسماعيلية وأنه تحدث معه عبر التليفون وعلم منه أن سيعاود نشاطه بمقر الجماعة اليوم السبت

هذا وقد أحدثت مطالبات تصعيد الدكتور العريان لمكتب الإرشاد حالة من الجدل داخل الجماعة بين تيار مؤيد للعريان وتوجهه الإصلاحي وبين قيادات محافظة تختلف مع هذا التوجه وترفض تصعيده , إلا أن الأستاذ عاكف وهو شخصية متوازنة يرجح تصعيده وكان قد قال لنا الأستاذ عاكف العام الماضي عقب الانتخابات التي صعدت خمسة أعضاء لمكتب الإرشاد أنه كان يتمني تصعيد العريان في هذه الانتخابات لانه يقدر الدور الذي يقوم به للجماعة هو والدكتور عبدالمنعم أبو الفتوح قائلا " أنا أعرف قدر هذين الرجلين جيدا " وعندما تحدثت معه عما يتعرض له العريان وأبو الفتوح من عمليات اغتيال معنوي واساءة بالغة لشخصيهما واتهامات رخيصة لهما بأنهما " طامعين في السلطة داخل الجماعة " كما أنهما طامعين في تكرار تجربة " أردوغان " في تركيا للوصول للحكم وذكرت للأستاذ أسماء من يوجهون هذه التهم رد علي الرجل قائلا " يا ابني احنا بشر وفي وسطنا ناس مغرضة كتير " مكررا أنه يعرف قدر هذين الرجلين جيدا

هذا وقد علمت من من هم ثقات أن الأستاذ عاكف كرر أمنيته بتصعيد العريان خلفا لهلال خاصة وأنه هذا الإجراء الان يجوز لائحيا في حق العريان لحصوله علي أعلي الأصوات في آخر انتخابات أجرتها الجماعة متخطيا نسبة 40 % كما تم تطبيق هذه القاعدة علي كل من المهندس خيرت الشاطر والدكتور محمود عزت عام 1995 وكما تم تصعيد الدكتور محمد مرسي والدكتور محمد حسين في 2004 و 2006 إلا أن الأمر لازال محل تحفظ " غير مبرر " لدي عدد من قيادات مكتب الإرشاد

أعلم جيدا أن الدكتور عصام العريان في حالة حرج شديد من هذا المشهد نظرا لذهده وعدم اكتراثه بمثل هذه الأمور وأنه وان بدا غاضبا فسيكون غاضبا مني ومن كل المهتمين بتصعيده لإثارة أمر يحرجه ولا يطلبه ولكن في اعتقادي الأمر يتخطي الأشخاص مع احترامنا الشديد وحبنا وتقديرانا لهم لرصد هذه الحالة التي تعبر عن واقع إداري وتنظيمي داخل الجماعة يجب أن يتغير ويجب أن يكون مفتوحا للنقاس دون حساسيات ودون استخدام هالات التقديس والعصمة علي ممارسات حركة الإخوان المسلمين باعتبارها الفصيل الأكثر تأثيرا في هذا المجتمع والذي ننتظر منه الكثير في ظل الحياة السياسية التي لا تشغلها سوي الأحزاب والشخصيات الكارتونية

20 تعليق:

hng2000 يقول...

يا ريت لو انت يا أ عبد المنعم تروح كصحفي و تتأكد من التقارير دي و تعمل حوار مع فضيلة المرشد

KIMOOOZ يقول...

ممكن نعرف لو سمحت مين المصدر المطلع فى الجماعه اللى يعرف سبب غياب عاكف اسبوع بالرغم ان المنسق الاعلامى نفسه ميعرفش

احنا مش هنبطل بقى نكتب اللى احنا عاوزين نكتبه و نحط جنبه مصدر مطلع او قيادى رفض زكر اسمه على اساس ان اسمه عوره

حاول مره تكتب مقال تخلينى اصدقك فيه من غير الحركات الخايبه ديه
على اقل تقدير يعنى اتصل بالاستاذ المرشد و اتأكد منه و انت بنفسك بتقول انه راجل متوازن و بيرد عليك علطول و لا ايييييييه

غير معرف يقول...

حلوة دية
أفادني زميلي
وحلوة عزبته برده ياعم عزبة بعني عشرات الأفدنة ما طمعشي الناس اكتر ما هي طمعانه يروحوا ياخدوا حته الارض من الراجل
المقال بيحسسني انك كاتبه وانت قاعد على السرير ب التليفون وخلاص والكلام مش أكيد طبعا
الحاجة الأخيرة يا ترد على البني أدمين الا معلقين تحت الموضوع السابق أو تعتذر وتكون بطل
يس عزام

خالد فوده يقول...

انا عاوز اعرف حاجه

هو المرشد لما يريد شيء يا يعمله يا يزعل يعني ويروح يقعد في العزبه بتاعته

والله ضحكتوا علينا الخلق

وهو مش فيه حاجه اسمها شوري واخذ الاراء والغالبيه تتكلم
ولا الموضوع ماشي بالاهواء

وكمان عاوز اعرف مين هو المصادر المطلعه ده والله حاجه غريبه اوي

ده عامل زي اللهو الخفي
كل شويه يطلع لنا بحاجات غريبه اوي

تحياتي

رابطة هويتي اسلامية يقول...

فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة

فى نقاش عام وحوار مفتوح حول موضوع الحملة .

والدعوة مفتوحة للجميع للمشاركة معنا فى النقاش من أجل الإفادة والإستفادة

نتمني منكم مشاركتنا من أجل تدوين أفضل

تحياتنا

أسرة رابطة هويتي إسلامية

غير معرف يقول...

ياريت يا اخ عبد المنعم تغير اسم المدونه وتخليها انا مش اخوان وعيب الحركات النص كم والاخبار المضروبه دي

محمود يقول...

أنا لو مكانك كنت قفلت التعليقات

لأن على ما يبدو شرطة النوايا شغالة الله ينور

وكمان عندهم معلومات صحيحة مؤكدة من قلب الحدث .. تكذب معلومات أى مصدر ممكن تجيبه سواء كان مطلع ولا رفض ذكر أسمه :-D

الله يعينك

mustafa ezzudin يقول...

I agree with u ya Abdelmonem

KIMOOOZ يقول...

يا استاذ محمود

ايه دخل النوايا فى الموضوع يا عمى
احنا بنتكلم على المهنيه فى نقل الخبر

اصدقك ازاى انا لما تقولى ان المصدر اللى محدش عارف هو مين (تقريبا اللهو الخفى ) بيقول حاجات و فى نفس المقال بيقول ان المتحدث الاعلامى الرسمى بيقول ميعرش

ده يطلع ايه ده يا خويا ان شاء الله
سحر و لا شعوزه
و لا الاخ منعم بقى بيضرب الودع اليومين دول

mustafa ezzudin يقول...

يا جماعة الأمر ببساطة أنه لا يوجد شفافية!
لا يوجد شفافية لدى الحكومة ولا لدى الإخوان!
صدقوني الفساد هنا وهناك!
وهذا الذي يجعل الصحفي أن يقول: مصدر رفض ذكر اسمه!
الفساد مشترك !
وأسهل شئ أن تدافع عن الفساد: أن تكون من الإخوان وتبرر أخطاء الإخوان.. أو أن تكون في الحزب الوطني وتبرر أخطاء الحكومة! كلا الأمرين فساد!
لكن الصعب هو أن تكون إصلاحيا ولك مبادئ حقيقية غير مزدوجة!
تحياتي وحبي وتقديري العميق ل أ.عبد المنعم محمود ود.عصام العريان و د.عبدالمنعم أبو الفتوح و.ابراهيم الزعفراني وأ.محمد عبدالقدوس.. وآخرون.

KIMOOOZ يقول...

استاذ مصطفى

اولا احنا مقلناش ان الاخوان مفيهاش فساد و مفهاش عناصر وحشه
لأ فيها و فيها كتير اوى كمان

لكن يا استاذ مصطفى انا بتكلم عن المهنيه الصحفيه الصادقه
و عن ان تكتب كلاما خالى من زرع الالغام و نشر الفتن و خلاص بدون داعى

فرق ايه عبد المنعم عن احمد موسى لما ييجى يقول اى كلام من خياله و بعدين يقول من مصادر موثوقه او من مصدر امنى او من قياده ترفض ذكر اسمها

اصدقه ازاى يعنى
ايه اللى يدعونى انى اصدقه
و خاصه انه هدم كل ما بيننا من ثقه بعده مقالات سابقه نعلم جيدا انها لا تمت للحقيقه بأى صله

ارجو ان تكون فهمت قصدى

mustafa ezzudin يقول...

اللي يخليني أصدقه هو أنني شفت بنفسي بعض المواقف.. شفت ازاي ان المعتدلين في الجماعة يتم اقصائهم.. وشفت ازاي انك لما تكون تنظيمي وبتسمع الكلام اللي بيتقال لك بتلاقي الكل بيحبك وبتترقى من مبادئ الإسلام الى رحاب الاسلام وهكذا!
لكن لو ليك أفكار مختلفة بقولو عنك: ده ليه أفكار ثانية.. خلوه مع أخ أكبر منه يستوعبه!
وشفت أيام انتخابات مجلس الشعب كان كل الإخوان اللي أعرفهم بيقولو لازم تشارك ولازم تكون ايجابي ودي أمانة... بينما أيام 6 إبريل لم يشارك أحد تقريبا من هؤلاء الأخوان إلا القليل من الأفراد.. صدقني هذه هي المبادئ المزدوجة..

KIMOOOZ يقول...

أخ مصطفى
واضح ان رؤيتك للأمور قاصره جدا على حد ما فهمته من كلامك و بتاخد الامور بالمسطره و ده مش صح
و بعدين انا بتكلم عن المهنيه الصحفيه
ايه دخل ده بالتصعيد و الاخ اللى بيستوعبك و 6 ابريل و معرفش ايه

متدخلناش فى امور تانيه ملهاش دخل بموضوع الحديث لو سمحت

غير معرف يقول...

يا استاز عبد المنعم بدل الاشاعات الكازبة ارجو متابعة الاعتقالات ومعاناة اسر المعتقلين علي الاقل تكون بتساعد بدل ما تهدم

محمد السيد يقول...

أستاذ Kimooozz واضح انك انت اللي مش فاهم مصطفي قصده ايه!! قصده ان مفيش أي مجال للنقاش و لا الحوار داخل الجماعه نفسها و لا في حريه رأي لآعضائها أصلاً و الفكر اللي يقول انك تشغل وقت الشباب بحاجات مفيده علشان ميفكرش في شهواته و أفكار هدامه هوا فكر لا يحترم عقل الإنسان و لا قدرته علي التمييز .. إنت لا يمكن تقتنع و لا هتقتنع بأي رأي تاني علشان أخذتوا أصل الطاعه و نسيتوا الباقي مع أن أول أصل في البيعه هوا الفهم ... تقدر انت تحكم بنفسك اذا كنت بتطيع و منتظمو خلاص و لا طاعه عن فهم و إخلاص....

KIMOOOZ يقول...

استاذ محمد السيد

عايز افهمك حاجه بسيطه
اولا انا مش زى ما انت متخيل بدافع و خلاص بدون ما افهم
و لو تعرفنى هتعرف ان انا من اكتر الناس اللى بمقياسك بتعمل مشاكل فى الجماعه عشان توصل وجهه نظرها و بناقش و بصطدم و بتعارك و بشتكى و قابلت ناس وحشه فى الجماعه مش بتقبل اى رأى تانى
و قابلت برضه ناس محترمه بتتناقش و بتفهم و تقدر تغير من خلالها

يا استاذ محمد انا قلت لعبد المنعم قبل كده فى رسايل خاصه و على نفس المدونه ديه ان انا معاه فى حاجات كتير و انى عارف انه كان فى الاول عايز يوصل وجهه نظره و كان بيجاهد عشان يعمل اللى عليه و يصلح المشاكل اللى موجوده فى الجماعه

لكن يا عمى مش بالكذب و التضليل و قول ما لم يحدث على لسان لهو خفى اللى دايما بيكون مصدر مش عارف هو مين

تقدر تقولى مين استفاد من المقال ده
قةلى كده استفدت ايه على مستواك الشخصى

لو انت اخ يبقى توهمت ان جماعتك قيادتها ناس منحله تبحث عن السلطه و فقط و تتزعزع ثقه قيادتك فى نفسك و خلاص بدون وجه حق

و لو انت مش اخ يبقة برضه استفدت نفس الشىء لكن مع انك تزداد قناعه انك مينفعش تنضم للجماعه ديه او على اقل تقدير تؤيدها او تفهم فكرتها

واضح من كلام مصطفى انه بيصطدم مع مسئوله كتير بسبب طريقه كلامه و انفعاله الزائد الواضح فى تعليقه على مقال بشكل عجيب جدا

محمد السيد يقول...

أستاذ Kimoooz أنا لم أتهمك بعدم الفهم و إنما تركت لك حريه القياس ... و لم يكن المعني المبتغي هو إثارتك المشاكل مع مسئوليك كما في تعليقك! و لا أنتظر مقالاً من أحد ليحرك لي عقلي لأفكر فيما أراه واقعاً نعيشه!! أخي الفاضل لقد تربيت في عائله أخوانية معروفه وسط أصدقاء كلهم من أبناء قيادات الأخوان الآن و سابقاً ... بل و ترعرعت و نشأت في مدرسة من مدارس الإخوان العريقه جداً و أشعر الآن بكل الفخر لإيماني و إنتمائي لهذه الفكره العظيمه .. و لكن هل كل هذا فوق النقد ؟ نعم داخل قيادات الإخوان الآن من يبحث عن الدنيا و مناصبها و لا يلقي بالآً بأي شيئ أخر ... نعم داخل قيادات الإخوان من لا يطبق مبادئها و يتخذها شعارات فقط ... هل لي أن أسألك إذا كان إحدي القيادات لا يستطيع أن يصلح أبناءه هل يصلح ليصلح الكون؟ أليست هذه دعوة الإمام الشهيد سابقاً " الفرد المسلم ثم البيت المسلم....) أليس هذا ما يلقنه الإخوان لأشبالهم أم تراها أصبحت مجرد شعارات كبيان مكتب الإرشاد بالأمس... هل تري إذا كان إحدي قيادات الشباب الحاليه كان الإعتراض عليها من قبل مسئولينا عند دعوته منذ أكثر من 15 عاماً أنه يفكر و يجادل كثيراً ليفهم ! هل تري إذا كان مسئولينا وقتها هم القيادات الحاليه التي يتوجب عليك طاعتها ... هي قيادات لا تؤمن بأهميه الحوار أو الشوري إلا بشكلها الصوري مادامت الطاعه واجبه في النهايه!أخي الفاضل أعتذر عن الإطاله و لكن الإنتظام في الإخوان بالوضع الحالي و إحترامك لذاتك و شخصك و قدرتك علي خلق و اقعك هما علي طرف النقيض و لا يلتقيان - في الوضع الحالي- و فائدة هذا المقال كرد علي استفهامك و تشكيكك المتواصل في شخص صاحب المدونه الذي لا اعرفه و لا أعرف نواياه- و إن كنت تربيت علي حسن الظن- فإنني أري الفائدة الوحيده هي كسر ذلك التابوه المحرم الإقتراب منه ... كسر جمود الوضع الحالي و السعي لتجديد حال جماعة شاخت أدواتها و صارت الفكره القديمه أكثر شباباً و حيوية من واقعها حتي و إن أراد صاحب المدونه نشر الفتنه كما تقول فقد أفاد الإخوان من حيث لا يدري...

KIMOOOZ يقول...

يا اخ محمد السيد يبدو انك لم تقرأ حرفا واحدا مما كتبت فى التعليق السابق

يا اخى انا لم اشكك فى نوايا احد
كل ما فعلته هو تحليل مهنى للخبر من وجهه النظر المهنيه للصحافه و ايضا تحليل لما سوف يثيره خبر كهذا بين اعضاء الجمعه و من هم خارج اعضاء الجماعه و لم اقل ان منعم يريد ذلك
فبلاش الاتهامات المسبقه بأننى قالب مش بيفهم لكن بينفذ التعليمات او انى افتش فى النوايا و هذا غير صحيح و فندته لك فى التعليق السابق

و بعدين يا محمد من امتى كان الاخوان بيحاربوا بعض عشان السلطه و بعدين سلطه ايه اللى بيحاولوا ياخدوها

مش انت برضه اللى اتعلمت ان السلطه فى الاخوان مغرم و ليس مغنم و لا ايه يا عمى

يا اخى بالله عليكوا تابوهات ايه اللى عايزين تكسروها هو عيب يكون عندنا حاجه نحترمها اسمها مرشد و مكتب ارشاد

و لما تكسروا احترام الناس ديه فى قلوبنا يبقى تحترم بقى مسؤولك اللى بعديك ازاى و تثق فيه لما انت هزيت ثقتك فى اكبر ناس فى الجماعه

فوقوا بقى من الوهم ده
انا قلتلك انى بناقش و بتعارك و بوصل وجهه نظرى و بعرف اغير بالطريقه ديه لكن الفضايح و الاشاعات و الاخبار الكاذبه عمرها ما كانت حاجه حلوه يا اخى

محمد السيد يقول...

ما العلاقه بين اختلاف الرأي و الإحترام؟ هل يعني لك حرية الرأي و حرية نشر الخبر عدم إحترام الآخر؟ هل لو كانت لك سلطه رقابيه كنت تمنع مثل هذه الأخبار من النشر؟ هل هذا هوا ما تريده لوطنك " مجتمع مكمم الأفواه لكي لا ينشر أخباراً تجرح القيادات؟ ما الفارق بين ما تقول الآن و ما تقوله الرقابه علي الصحف من أيام الملك حتي اليوم ؟ سوي أن الإحترام و التبجيل لأشخاص مختلفين هم يحمونهم و ربما يرونهم يستحقون الإحترام مثلما تري أنت أيضاً؟ أخي الكريم كل ما يراد من الإخوان هي نظرة في المرآه ... صدقني ستغير الكثير ... قرأت كل ما كتبته و استوعبته ربما بدلالالته التي ظهرت من معاني الكلام و لم تصرح بها و أقولها لك و أنا أقتبس منك (واضح من كلام مصطفى انه بيصطدم مع مسئوله كتير) ده الرد علي أي محاوله حره للتعبير ( السلطه فى الاخوان مغرم و ليس مغنم ) الرد بشعارات براقة مثاليه و أنكار وجود أي خلل أو إنحراف... و أخيراً هل تظن جماعه قوية متماسكه يهزها أخبار كاذبه أو فضائح فارغه ؟ هل تري جماعتك بهذا الضعف؟ أم أن هناك و لو جزء من الصحه في الخبر الكاذب ؟ و إذا تحدثت عن المهنيه فالمهنيه تقول أن حتي الخبر الكاذب يبني علي 5% من الحقيقه!
أخي الكريم ثق أن ما ينفع الناس يمكث في الأرض و ما دونه يذهب هكذا يقول قرآننا - و هو دستورنا أم أن هذا أيضا مجرد شعار- فدع من يتكلم يقول ما يريد و لا تخشي من حرية كلمه أبداً فابداً لم يمنعها نبيناً الكريم - و هو القدوه...- و إن حرص علي أن يرد عليها بإظهار الحق كاملآً حتي لو طال الخبر شرفه و عرضه لم يكبته و يعيش في مجتمع الخبر الواحد المحترم!!! و شكراً لسعة صدرك و إن كانت عصبية ردك دليل علي حاجتك لمراجعة نفسك أو.. مسؤلك!
و السلام

KIMOOOZ يقول...

بص يا محمد
الكلام المكتوب مش بيظهر مشاعر اللى بيكتب
انا لا عصبى و لا دياولو

انا بس طريقه كتابتى كده تميل لسخريه عادى يعنى فمتزعلش منى
لكن حاول تفهم انا بقول ايه من غير ما تاخد من الكلام قص و لزق لأن لو مشينا كده يبقى احنا بس عايزين نظهر اخطاء بعض و خلاص و ده مش صح

الفكره كالأتى
طبعا يوجد فرق كبير بين الاختلاف فى الاحترام
و هنا اصلا فى هذا المقال و المقال السابق ليس رأيا مخالفا لكن هو نقل مشوه للأخبار بطريقه غير صحيحه تدعوا للإستياء

و مش مختلفين يا سيدى ان ما ينفع الناس يمكث فى الارض و لكن ده مش معناه ان نسيب اللى يتكلم يتكلم و تبقى زيطه كده
لا
اللى يتكلم صح و حتى لو بيتكلم فى شىء يعيبنى اقوله انه صح و نحاول نعدل من نفسى
لكن اللى يتكلم غلط و يقول كلام عارى من الصحه او على اقل تقدير كلام غير دقيق فى موقف مينفعش فيه غير الكلام الدقيق
يبقى لازم نقوله انه غلط و نبين الصح من وجهه نظرنا