الأربعاء، مارس 21، 2007

قاطعوه


أعلنت جماعة الاخوان المسلمين مقاطعتها الاستفتاء علي التعديلات الدستورية التي أقرتها أغلبية الحزب الوطني بمجلس الشعب ورفضها نواب المعارضة والمستقلين والاخوان والكرامة والوفد والتجمع وعضوين من الحزب الوطني

وسوف يجرى الاستفتاء على تعديل 34 مادة في الدستور يوم الاثنين القادم بعدما تقدمموعده من شهر ابريل ويقول محمد سعد الكتاتني رئيس الكتلة البرلمانية للاخوان إن الحزب الوطني الديمقراطي يريد حرمان المعارضة من الوقت الذي يلزم لتنظيم احتجاجات على الاستفتاء

المقاطعة أعلنتها أيضا حركة كفاية وحزب الكرامة تحت التأسيس وجبهة المستقلين في مجلس الشعب , داعين الشعب المصري عدم المشاركة في جريمة الانقلاب الدستوري

مشاركة سلبية

بينما يري نشطاء علي الانترنت أن المقاطعة هي مشاركة سلبية للنظام لتمرير هذه التعديلات حيث يري علاء سيف صاحب مدونة علاء ومنال دعوة حركة كفاية لمقاطعة الاستفتاء على التعديلات الدستورية خطأ شديد وأضاف رغم ضعف الأمل في استفتاء نزيه لكن المشاركة والادلاء بالاصوات والرقابة الشعبية علي الانتخابات خطوة ايجابية وضرورية , وأكد أن دعوة الناس للجلوس في بيتها في هذا اليوم هو تأصيل للسلبية , علاء طالب قراء مدونته عدم المقاطعة والذهاب لصندوق الاقتراع واعلان رفضهم علي ورقة التصويت

الدكتور عصام العريان مسئول القسم السياسي بجماعة الاخوان المسلمين أكد علي أهمية المقاطعة وقال: الاستفتاءات كلها مزورة وهذه التعديلات لم يتم فيها أي احترام للقوى السياسية والقوى الوطنية وأحزاب المعارضة. هي تعتبر إملاءات من طرف واحد

دولة بوليسية

وتتضمن التعديلات إضافة نص إلى الدستور في المادة 179 منه يمهد على ما يبدو لمنح أجهزة الأمن سلطات كاسحة في مجال احتجاز الأشخاص وتفتيش المساكن والتنصت على الاتصالات الهاتفية في إطار قانون سيصدر لاحقا لمكافحة الإرهاب ويحل محل حالة الطواري, كما تتضمن التعديلات اقصاء القضاة عن الاشراف علي الانتخابات طبقا للتعديل في المادة 88 والتي جعلت الاشراف علي الانتخابات لهيئة مستقلة تحددها السلطة التنفيذية التي يتحكم فيها الحزب الوطني الحاكم ومن المحتمل أن تصيب التعديلات جماعة الإخوان وهيقوي المعارضة في مصر بضرر شديد لنصها على حظر النشاط السياسي على أساس ديني كما يبدو أنها تقضي على أمل الجماعة في أن تصبح حزبا سياسيا معترفا به

نرفضها لاننا نحبها

وأعلن طلاب الجامعات عن رفضهم التعديلات وتظاهر آلف منهم في جامعتي القاهرة وحلوان منددين بنواب الحزب الوطني الذي غلبا عليهم مصالحهم ومطامعهم علي مصلحة الشعب وذلك علي حد وصف الطلاب وقالوا في بيان لهم أنهم يرفضون هذه التعديلات لانهم يحبون مصر وطالبوا زملائهم بمقاطعة الاستفتاء علي هذه التعديلات كما طالبوا النظام باصلاح حقيقي للنهوض بمصر لا لخدمة المصالح الشخصية

7 تعليق:

AbdElRaHmaN يقول...

نقول ايه بس يا اخ عبدو
ربنا ينتقم منهم يااارب
بالنسبة للمقاطعة ..
بصراحة اعتقد اننا لو قلنا لا هيكون افضل
على الاقل يكون في امل
انا ان شاء الله هستفسر
لكن تفكيري المبدأي قادني للموضوع ده
ان لو قلنا لا هيكون في امل اكتر من لو سكتنا
بس
هي هتمر يعني هتمر
سلام

جبهة التهييس الشعبية يقول...

يا منعم انا مش فاهمة ايه حكاية المقاطعة دي؟

اصلا اصلا المصريين كده كده مقاطعين طبيعي

ومش بيشاركوا لا في انتخابات ولا في استفتاءات

والحزب الوطني بياخد العمال في اتوبيسات عشان يصوتوا لصالحه

طيب

احنا لو قاطعنا ح نستفيد ايه

ماهو ده زي ما النواب قاطعوا الجلسة

انا مش فاهمة قاطعوها ليه؟

اذا الناس منتخباهم عشان يمثلوهم يقوموا يعملوا مقموصين ويقاطعوا الجلسة ويدوا فرصة للحكومة انها تمرر القانون بسلام

من غير حتى ما يحضروا ويسجلوا موقفهم في مضبطة الجلسة

امال الناس منتخباهم ليه؟

وبعدين لو كل الناس نزلت وقالت لا

مش دي تبقى شهادة لوجه الله

انا برضه مش فاهمة وجهة نظر المعارضة في انها تقاطع

انا اصلا كمان مش عارفة ح انزل وللا لا

حيرانه مابين حاجتين

مابين اني لازم اقول شهادة حق

ومابين ان المعارضة واخدة موقف موحد لاول مرة

محمود سعيد يقول...

طيب ليه نقاطع

حد يقول لنا

همسة قلم يقول...

طيب ونقاطع ليه صحيح
مانروح ونقول لأ بعلو الصوت ونحشد الناس زي أيام الانتخابات ونخليهم زي ما كانوا بينتخبوا الاخوان اللى نجحوا يقولوا لأ همّا كمان
ليه السلبية دي
ماظنش انه المقاطعة هي الحل السحري وبيتهيألي انه الاخوان وقتها بس اللى هيكونوا مقاطعين يبقى استفدنا ايه
عامة ده رأيي ولا يعبر قطعا عن رأي الاخوان المسلمين

غير معرف يقول...

والله ياجماعة انا اعتقد ان لو رحنا الاستفتاء هايقولوا ان نسبةكبيرة من الشعب راحت وحتي لو قالوا لا هايقولوا دول راحوا وقالوا اه يعني كدة كدة هايكون فيه تزوير فحنا منروحش علشان يكون ادام عين الناس ان احنا مش موافقين مع اقتناعي انها سابية ولكن مش في كل الاوقات فساعة الانتخابات احنا كان عندنا امل ولونسبةبسيط والحمد لله ولكن الاستفتاء ده هيعدي هيعدي وربنا يستر علينا
هاجر

عبوووووووود يقول...

الحقيقة مش عارف
لكن انا شايف إننا ما نقاطعش الاستفتاء حتى لو كان مزور زي ما قال علاء سيف
لازم نعبر عن صوتنا ويمكن ربنا يكتبلنا النجاح المرة دي
ده طبعا رأيي الشخصي وباحترم الناس اللي قررت المقاطعة لأن ده رأيهم وهما عبروا عنه
بس أنا شايف إن المقاطعة مش هتفيد لأنهم كدة كدة مزورين الاستفتاء لكن لما تتجمع قوى المعارضة وتبدي رأيها حتى لو زوروه في رأيي ده أفضل كتير

اسماء العـــــــريان يقول...

هنقاطع الاستفتاء .. لان شور هيبقى فيه تزوير

احنا مش عايزين نروح نبطل صوتنا او نقول لا .. لان هيحصل زى الى حصل فى انتخابات الرئاسه وحدث التزوير بالفعل

طيب ليه منقاطع افضل ونبان اننا فعلا رافضين الى بيحصل .. واكيد هيبقى فيه توعيه للشعب ودور لينا فى الشارع المصرى

اسماء العريان