تنظم لجنة الحريات ببنقابة الصحفيين مؤتمرا جماهيرا عن حرية الصحافة الالكترونية وحرية التدوين يوم الاربعاء 20 يونيو القادم الساعة السابعة والنصف المؤتمر الذي ينظمه الكاتب الصحفي محمد عبدالقدوس رئيس اللجنة يتحدث فيه
عادل الأنصاري مدير وكالة شروق برس
ا. د شريف درويش أستاذ الصحافة بكلية الاعلام
المدون علاء عبدالفتاح
المدونة خديجة مالك
المدون عبدالمنعم محمود
الدعوة عامة المؤتمر يسبقه وقفه علي سلم النقابة للتنديد بالكبت الذي يتعرض له المدونون , المؤتمر يدور في اطار اضطهاد المدونين باعتقالهم ومحاولة اغلاق مدوناتهم كما سيتعرض المتحدثون عن قضية المدون عبدالكريم سليمان وحريته في ابداء رأيه
23 تعليق:
عتاب يا أخ منعم
يعني الدنيا ولعة والناس عماله تاكل بعض في المدونات الاخري حول ما يحدث في غزة
وكل واحد عمال يفتي وكتير منهم مش عارفين حاجة وعملين يصوتوا علي اللي عملته حماس
المفروض يعني اما ادخل عندك الاقي علي الاقل أخبار ومعلومات وتوضيح للي بيحصل أو علي الاقل المشاركة في الخناقة اللي عند نوارة علشان التيار اللي انت منه اخذ الحظ الوافر من الانتقاد
بحري من إسكندرية
ان شاء الله اروح
واقابلك هنك
اول مقابله بعد خروجك
وسلاااااااام
منعم ان شاء الله انا موجود
حتماً سنكون جميعاً هناك
تحياتي
اخى فى الله عبدالمنعم محمود السلام عليكم ورحمة الله وبركاتة ابعث رسالة لك اسأل فيها عن اسباب عدم تدوينك الفترة الماضية برغم انك المفروض كنت تدون قبل الاعتقال كل يوم وهل يوجد عندك مشاكل ام ماذا نحن كنا قد اعتدنا على ان نقرأ لك كل يوم ولكن الان لانقرأ حتى كتابتك فأرجو
ان تدون سريعا وبطريقة مستمرة
انا هناك ان شا ءالله يوم الاربعاء
و الله يا عم منعم موش عارف اقولك ايه
اللى عايز اقوله ارجع لمدونتك قبل الحبسة الاخيرة و بعد الحبسة و شوف انتا اتجاه تدوينك رايح فين...كنت جميل يا منعم و مبقولشى انك تتجاهل الحرية لجميع الناس يا سيدى و ان قضية التدوين دى قضية كبيرة و مصيرية فى مصر و العالم و انك لازم ترد الجميل للناس اللى وقفوا جنبك فى ازمتك زى كل اللى ذكرتهم فى اول lمدونة ليك بعد الخروج ...لكن فى نفس الوقت...متحيدشى عن الخط اللى انتا كنت حاطه لنفسك...انتا كنت نشيط و رويتر بكل ما تحمل الكلمة من معان...و الخبر كان بينزل عندك قبل غيرك و كنت بتفتخر بده لو متذكر...
برضهموش بقول انك وكالة اخبار دى مدونة و لازم يبقى فيها موضوعاتك و استشعاراتك لكن موش معقول يبقى فى انتخابات شورى فى مصر و متجيبشى سيرتها انتا يا عبدالمنعم...و مينفعشى يبقى فيها التزوير ده و المهازل دى و انتا متغطيهاش انا بتكلم عن عبدالمنعم بشخصه اللى اعرفه...
مينفعشى يبقى بيحصل اللى بيحصل فى غزة و انتا متشاركشى و لا تنوه ولا تعبر و جاى تقولى مع كامل احترامى للراجل الاول قبل ما حد يفهمنى غلط ...عمر الشرقاوى المدون و مصيره هو اللى شاغل تفكيرك و فقط...
الراجل ده طلع من طلخا و انتا عارفق طلخا بالنسبة ليا علشان بس متقولشى انى كارهه بس بتكلم عن الخط الاساسى اللى مدونة منعم كان بتتمحور حوله و حاددت عنه بعد الحبسة
فى مراجعة ولا لآ فهمنى لو انا موش فاهم
عبد الكريم ؟؟
مش عارف اشمعنى من يتجرأ على الاسلام نقف له مدافعين و نظل له متذكرين حتى الان
عامة لا اعتقد ان الحديث عن مثل هذا الشخص يدفعنى لحضور المؤتمر
يا جماعة اولا شكرا ليكم علي حثي علي الكتابى بس انا من ساعة ما خرجت لحد دلؤتي في امتحانات دبلومه الصحافة واللي بدات امتحلناتها وانا في السجن وخرجت تاني كان عندي امتحان بس ان شاء بكره اخر مادة لدرجة انا بكتب التعليق ده من علي التليفون وياريت نشوف الجميع بكره الندوة
انا ان شاء الله هكون موجود
وان شاء الله اشوفك هناك
تحس ان الحكومة والشعب فى سباق
كل ما الشعب يجد طريقة علشان يقول رايه .. الحكومة تدور على طريقة تكممها وبعدين الشعب يبدأ البحث من جديد ...
المهم نستنى نشوف مين اللى هيكسب
كنت مستنية الامتحانات تخلص بفارغ الصبر عشان اقدر اشارك في الفعاليات اللي فاتني منها كتير
هاحاول ان شاء الله اني احضر ...
أولاً: حمد لله على السلامه يا منعم و ربنا يوفقك فى إمتحاناتك
ثانياً: أرجو إنك تغطى لنا أحداث الندوه دى للى مش هيقدر يحضر
جميل جداً إنك تكون مهتم بعبد الكريم بالرغم من الخلاف الفكرى الحاد اللى بينكم و عارف إنك مش هتتأثر بباقى الأراء اللى مستغربه لمجرد ذِكرك لأسمه
و أرجو إن دى تكون الروح السائده بيننا
و أحب أظهرلك إحترامى الشديد لشخصك بالرغم من خلافى مع أفكار الإخوان المسلمين
تحياتى و بالتوفيق الدائم يا رب
باسم
السلام عليكم و رحمة الله و بركاته
منعم إن شاء الله هتلاقينا هناك كل إخواتك معاك و مع الحق و العدل و التغيير .
أختك في الله
هند
اتمني ان توافينا بما حدث بعد الندوة من اجتماع ودي بين المدونين
خالص التحية و معلش مقدرتش اكمل معاكم
:)
منتظرين التغطيه
كان نفسى أحضر المؤتمر ده بجد
على العموم ان شاء الله تتكر وأحضره
لأنى نفسى بجد أتعرف بخضرتك أكتر
السلام عليكم
dالسلام علييكم استاذ منعم
ندعوك للمشاركة معنا فى مدونة
المللتقى ملتقى المدونين
ومشاركتك معنا ستحفزنا اكيد
ننتظر من حضرتك موضوع للنشرة على المدونة اما موضوع قديم او جديد
وجزاكم الله كل خير
وجعلة فى ميزان حسناتكم
بص بقى يااخ عبد المنعم
اولا الف مليون حمدا لله على سلامتك
كنا بندعيلك كتيييييييييييير
والحمد لله ان استجاب
ثانيا
لازم تعملوا حساب الناس اللي ساكنه في مناطق نائيه
بتوع الاقاليم يعني
خاصة دمنهور الله يعزك
ولا تجيبولنا الندوه صوت وصوره لاني للاسف مش هقدر احضر وان كنت اتمنى
دمتم بالصحه والعافيه
دعوة الفرودس
انا بجد بعتذر والله إني مش باركت لحضرنك واحنا في المؤتمر
دبس والله كان عندي صداع نصفي بقوة ميت ألف مليون حصان
وعينيا كانت بتوجعني جدا
ورجليا كانت بتمشي لوحدها
بعتذر تاني
أخوك بلال
البلد بلدنا
كان مؤتمر جميل
الواحد حس فيه بالمسئولية
حس فيه ان الناس حاطه عليه امل انه يتكلم ويظهر الحقيقة ويقول اللى فى نفسه
السلام عليكم ورحمة الله وبركاته
انا لله وانا اليه راجعون
للاسف لم احضر المؤتمر
وقدر الله وما شاء فعل
وفي أنتظار تغطية حضراتكم
وفقكم الهل الى ما يحب ويرضي
الحقيقه مؤتمر رائع
لم يسعفني الوقت طويلا للجلوس ولكن يا منعم
هذه هي شباب مصر الذي بأمر الله التغيير سيأتي علي يديها
إرسال تعليق