السبت، يونيو 09، 2007

عندما نحرم الحرية لاننا نطالب بها

أعتذر للجميع علي تأخري في الردود عليكم وأكرر شكري لكل من تضامن معي وأؤكد لكم اني قرأت كل التعليقات التي كتبت وهذا من أسباب تأخري في التدوين

لم تكن هذه المرة التي أتعرض فيها للاعتقال ولم تكن مدتها هي الأطول بل علي العكس لكن هذه الحبسه كانت مختلفة عن سابقتيها
فهذه هي المرة الأولي التي أتعرض فيها للاعتقال بسبب نشاطي الإعلامي وليس التنظيمي في الجماعة
والذي عرفته بعد اعتقالي أن أحد أهم الاسباب الرئيسية لاعتقالي هي امقابلة التي تمت بيني وبين وفد منظمة العفو الدولية في 12 شهر ابريل الماضي وكانت مداهمة بيتي في ذات المساء وهذه أبداه بيان المنظمة عقب اعتقالي
العجيب ان أمن الدولة عندما داهم البيت لم يبدي اي اذن من النيابة للقبض علي كما لم يعلنوننا باسم القضية أو النيابة التي ستجري التحقيقات
وفي الصباح بدأت أسأل المحامي الخاص هل أنا مطلوب علي ذمة أي قضية سواء في القاهرة أو الاسكندرية فأكد لي أني غير مطلوب علي الاطلاق , وكنت سمعت وقتها قضية معهد التعاون الزراعي بشبرا وتوجهت لاحد المحامين ليستفسر لي عما ان كنت مطلوبا علي ذمة هذه القضية من عدمه فأكد في صباح الجمعة 14/4 اني غير مطلوب
وقتها قلت هذه مجرد محاولة ارهاب من امن الدولي لي ولوالدي المريض وقررت الاستمرار في تجهيز سفري للسودان حيث كنت سأعد عدة تقارير صحفية من هناك وتوجهت لمطار القاهرة وتم التأشير علي جواز سفري بختم المغادرة تأكيدا علي أني غير مطلوب علي ذمة أي قضية , ولكن قبل أن تقلع الطائرة بعشر دقائق فقط وجدت أحد الضباط ينادي علي اسمي فتوجهت له
فقال لي تفضل معنا مجرد سؤلين وتصعد للطائرة
توجهت لمقر أمن الدولة بمطار القاهرة فكان أول سؤال لي ...هو انت بتعمل ايه في قناة الحوار
وبتكتب شغلك لمين ومسافر ليه ...أسئلة كثيرة لم تنم أي اتهام سوي خوف خفافيش الليل من عدسات الكاميرات وفلاشاتها من فضح جرائمهم
وتم ابلاغي بمنعي عن السفر والقبض علي , طلبت منهم اذن النائب العام بمنعي من السفر أو سبب اعتقالي ..وقتها رفض الضابط الاجابة عن اي اسئلة وتعجب قائلا : " أذن يعني ايه أذن " وتم حجزي باحدي غرف المطار
حتي اتي الصباح وتم تسليمي لترحيلة توجهت به الي شبرا الخيمة بمحافظة القليوبية حيث نيابة قشم شبرا الاول
وقابلني رئيس النيابة المستشار أسامة الحلواني بكل احترام متسائلا ومتعجبا : " ايه الصاع اللي انت عمله ليهم ده في القناة اللي بيحكوا عنها سألتي هم مين فقال لي أمن الدولة طبعا
سألته مرة أخري هل أنا متهم أو مدان لأني أعمل بقناة الحوار
أجاب لا بل محضر التحريات يقول انك تدير نشاط اعلامي خاص بجماعة الاخوان ولديك مركز اعلامي تسئ به الي مصر
سألته : وفين المركز ده
أجاب : محضر التحريات لم يذكر مكانه
الرجل حدثني بصراحة خارج التحقيق أن قضية ملفقة بداية من الاتهام الكيدي لعميد معهد التعاون الزراعي للطلاب باجراء عرض عسكري
وانتهاء بانضمامي للقضية
سألته :طيب أنا محل اقامتي في الاسكندرية وعملي في القاهرة كيف يتم توجيه اتهام لي في محافظ ثالثة
فأجاب : لا دي الادارة المركزية لمباحث أمن الدولة هي التي تهتمني
القضية من أولها لاخرها كلها عوار قانوني وسياسي للدرجة التي جعلتهم حتي لايستطيعون طبخ القضية بشكل مناسب
وتأكدت من كل الحوارات التي تمت أن الاتهام هذه المرة سببه الرئيسي هو نشاطي الإعلامي في الفترة السابقة علي الاعتقال والذي تركز في عملي كمراسل لقناة الحوار وما أقوم بتدوينه علي الانترنت
الامر تأكد لي عند خروجي واجراء تحقيق موسع معي بجهاز أمن الدولة بالاسكندرية حول نشاطي الاعلامي وتوجيه تهديد مباشر باعتقالي شهريا ما لم أتوقف عن هذا النشاط
تم ايداعنا سجن اسم القاهرة للمحبوسين احتياطيا ومعروف باسم سجن المحكوم وده له قصص كتيرة أوي لسه ححكي عنها كتير
وعن المعاملة غير الانسانية التي كنا بنشوفها فيه دي ملخص وسبب الاعتقال ولسه كمان حتكلم عن الحملة الدولية للمطالبة بالافراج عني وحاجات تانية يمكن انامش فاكرها اوي دلؤت

21 تعليق:

تليفزيون ملون يقول...

اولا: حمد الله على سلامتك .. و عقبال باقي المعتقلين عن قريب ان شاء الله..

ده شىء ليس بمستغرب على الاطلاق .. تلفيق فى تلفيق هكذا جرت العادة .. و المجرمون الحقيقيون .امثال صاحب العبارة و اخوانه احرار منطلقون و بأموالهم و اهليهم مستمتعون ... شىء يترك فى النفس مرارة و الم شديدين ..

ثانيا : انا منتظر قراءة باقي التفاصيل ..

اخيرا : ربنا يصلح الحال يا استاذنا و دعواتك لينا..

تحياتي الخالصة ..

محمد وادي يقول...

يا أخ عبدالمنعم
الحرية لا تطلب و لا توهب ولكنها ......كلنا عارفين تنتزع
و هذا هو النزع الأخير
إن شاء الله

مُرَاقِبْ مِصْرِي يقول...

قضيتك يا منعم كان أروع ما فيها إنها بينت لناس كتير جدا إن الجيل الجديد اللي جوة الإخوان مختلف فعلا مش شكلا وخطابا بس لكن مختلف بجد... كلماتك عن الحرية - واللي كانت بتتجدد على أحد البانرز العبقرية اللي كانت بتعد أيام حبسك - كلماتك دي كانت بتقول كتير أوي... وأعتقد إنها نبراس لكل وطني على اختلاف اتجاهاته ينبغي أن نتمسك بها جميعا

صدقت نورا يونس لما قالت منعم هيفضل إخوان ويا ريت كل الإخوان زي منعم

ربنا ينصرك ويكرمك

ولا كان فى النية أبقى فلبينية يقول...

حمدالله على سلامتك

أنا مش باعرفك من زمان إلا من خلال الحملة اللى عملتها مدونة إنسى
وأول مرة أحس إنى مش عايشة لأنى بعيد عن حاجات كتير وأهمها إنى مش عارفة أى شىء عن الإخوان
سمعت عنهم كلام كتير كويس وكلام كتير مش كويس
لكن أنا بجد فخورة بيك لأنك صاحب مبدأ
أنا عاوزة أعرف الإخوان من خلالك ومن خلال مدونتك لأنى وثقت فيك وفى كل الناس اللى شوفتهم بيساندوك
حسيت منهم إن دى مش قضية منعم لوحدة
دى قضية مصر كلها
حبس الحرية وقصف الأقلام
أنا بحب مصر ونفسى أحس إنها حرة بجد
ربنا يفك سجنك يا مصر

ابوزياد الفاتح يقول...

ياسيدى
حمدلله على السلامه
وربنا يكرلامك يارب
بس عايز منك
تحكى لنا
عن الدروس المستفاده من الرحله دى
وتنصحنا بايه

أحمد عبد الفتاح يقول...

وحشتني تدويناتك يا منعم
بس انا ليا اعتراض صغير
ليه منعترفش انك كنت هربان قبل ما يتقبض عليك بيومين
والعالم كله عرف كده
والدليل تسجيل الفيديو الي ذاعته انسي - فشر الظواهري يا نجم - ووقفة سلم النقابة للمطالبة بوقف ملاحقتك وتليفونك الي كان مقفول وباقي الحاجات الي انت عارفها
وشهل شوية في التدوين
وعايزين تفاصيل اكتر
يعني ان كت

عصفور طل من الشباك يقول...

حمدا لله على السلامة

عبد الجواد يقول...

حمد لله علي سلامتك يا صاحبي
في انتظار تدويناتك
والله مدونتك كانت بتضعنا في قلب الاحداث
وصدق من قال عنك "رويتر الاخوان "
تقبل الله منك صالح الاعمال
وعقبال الباقي

غير معرف يقول...

حمد الله على سلامتك
الناس كلها كانت مستنيا الافراج عنك

ربنا معاك
وربنا يثبتك

و ما تخافش

احنا معاك

عايش مع إيقاف التنفيذ يقول...

أولا: الحمد لله على سلامتك
ثانيا: ثانيا أحب أن أقول لك أخي عبدالمنعم إني أحبك في الله وهذا أقل ما أقدر أن أقوله لأخ لي في الله..
ثالثا: عندي انفراد في المدونة الخاصة بي أحب أن أروج له.. "حصريا.. صور اعتصام شروق برس بنقابة الصحفيين".
http://mouslem-way.maktoobblog.com/?post=360735

وجزاكم الله خيرا
أخوك/ عبدالمنعم

أخت مسلمة يقول...

جزاكم الله خيرا و ثبتكم و جعل محنكم في ميزان حسناتكم

=======
مش غريبة علي جهاز امن دولة فاشل انه يلفق تهم علشان يقول كل شئ تمام

==========

حسبنا الله و نعم الوكيل

في انتظار البقية

مصراوي أوي يقول...

منتظرين الباقي يا منعم

يا حبيبنا يا مشرفنا
ياللي ربنا يثبتك ع الحق

امين يارب

محمد شاكر يقول...

على أحر من الجمر ومستنيين باقي القصه

إخوانية مصرية يقول...

دا ثمن الحرية داخل دولة الظلم
لا داعي للتعجب لااننا وبكل اسف في مصر
وحسبنا الله ونعم الوكيل

انا زهقت خلاص يقول...

حمدالله على السلامة يا بطل

انت القوي وهم الجبناء

منة الله يقول...

عبد المنعم

ادعوك للمشاركة في استفتاء

اكثر 10 مدونات تاثيرا في قرائها

و احب ان اخبرك ان مدونتك تم ترشيحها فعلا

اليك الرابط

http://www.6ef.blogspot.com/

الجاهل يقول...

حمدا لله على سلامتك ونتمنى من الله ان تعود اقوى مما كنت ..وقد قرأت ان ضابط امن الدوله هددك بالقبض عليك كل شهر فهل هذا صحيح وان كان صحيح فانت رجل لايخشى فى الله لومه لائم

Human يقول...

حمدالله على السلامة ...وإن شاء الله تكون الأخيرة....مع إني عارف أها جاية متأخرة......أما عن امن الدولة ولا هو أمن ولا هي دولة ...فشئ طبيعي جدا موضوع التلفيق ..لانهم عاجزين ..ودي مشكلة ناس كتير منهم الأستاذ أيمن نور لأني سمعت ان هو متبهدل أوي ربنا معاه هو وكل المعتقلين

وليد يقول...

عبد المنعم حمدلله على السلامة ومنور


اولا نشاطك فى الحوار لم يكن موجود أو ملحوظ
اظن الموضوع كله ليه علاقة بدورك مع منظمة حقوق الانسان او غيرهم من الاجانب



ثانيا ازاى هيعتقولك كل شهر
مش فاهم

كل شهر هيعتقلوك 45 يوم ؟

اصل الاخوة فى امن الدولة عنصر الوقت عندهم مفقود
دى جملة فى لسانهم على طول
فممكن مكينوش واخدين بالهم ان الشهر 30يوم بس

وفبراير 28


عبده منور ويارب الوالد يكون بخير

إخوانى مخربش يقول...

ايه ده هو خراب الدولة كان زمان بيعرف يلفق قضايا بحق وحقيى

انا كنت مفكره خايب طول عمره

ولد خيبنان وهيدفن خيبان

سحس يقول...

الحرية يا أستاذ منعم ليست حرام عند الحكومة ولكنها مكروهة


وحشتنا يا منعم