الأربعاء، أغسطس 29، 2007

سيادته يخير


عند عودتي للبيت في مساء أمس كالعادة مررت علي بياع الجرائد لاشتري جرائد صباح اليوم القادم واستقللت تاكسي ووضعت رأسي في الجرائد لاتعرف علي ما جري خلال اليوم ففجأني سائق واخبار سيادته ايه

مين سيادته

قالي سيادة الرئيس يا أستاذ

حسبته يمزح إلا أني قلت له بسلامته بخير ربنا ياخده , فأوقف السيارة غاضبا قائلا لي حرام عليكم هو حيرضي مين ولامين دحنا 80 مليون يا عالم

فتتعجبت أن فيه واحد مصري بيحب سيادته وزعلان من الناس اللي مش عاجبه سيادته

لكن بنقاش بسيط مع الرجل قلته سيادته قرب يبعني يا عم الحج قالي ازاي بأه فلم يدر بخلدي وقتها غير بيع بنك القاهرة

قلت له سيادته بيبيع بنوك البلد للأجانب

فنظر لي الرجل شذرا وقال لي عيب يا استاذ ده انت واضح انك مثقف وبتقرأ جرايد هي في بلد بتبيع بنوكها

فأقسمت له بأغلظ الأيمان أن سيادته وحكومة سيادته بيبعوا بنوك ومصانع البلد وقريب جدا ممكن يبعوا جانبك عشان ابن سيادته عايز ياخد البنديره بتعتك

المهم نرجع لصحة سيادته في نهار هذا اليوم السعيد وجدت أن رابح المعد بقناة الحوار التي أعمل مراسلا لها يتصل بي من انجلترا ليسألني وايه أخبار صحة سيادته

قلت له نعم يا عم رابح عايز ايه انا مش رايق قالي أنني ارسلت رسالة لأحد مقدمي البرامج بالقناة تفيد وفاة سيادته معاذ الله

فقلت له لم يحدث والله واظنها شائعة جديدة وسيادته بخير وزي الفل بدليل ان الشمس طلعت عادي يعني الحمد لله

ثم جائني اتصال من مدير القناة يسألني وايه اخبار صحة سيادته جاتني شائعات انه خلاص مات

قلت والله ما حصل سيادته بخير وزي الفل والمتحدث باسم سيادته قال ان سيادته نشاط سياسي مكثف خلال الأسبوع الجاي وعليك خير لا وكمان سيادته فاجأ المنطقة الصناعية في برج العرب وزارها ومعاه شويه وزراء كده علي الماشي والحمد لله الكاميرات صورت سيادته هو بيتحرك ويضحك ويسلم علي العمال الطيبين اللي بيحبوه عمي

بس اللي نفسي أعرف مين بأه اللي بيطلع الإشعات البايخه دي ان سيادته حصل له حاجة

يا تري دي أحلام يقظة من شعب قرفان

ولا دي بلونات اختبار لشعب وضح عليه أن القرف خلاه سلبي ومنتظر يتفرج علي فليم تولي ابن سيادته

وقومم الحمد لله أن سيادته بخير

25 تعليق:

طال الليل يقول...

سيادته بخير
طيب ياسيدى أفادكم الله
عموما لا شماته فى الموت يعنى محدش هيشمت فيه لو عملها وفلسع
واللى خلف مامتش

Marvel - واحد زهقان يقول...

بسلامته بخير..الاشاعة كانت قوية فعلا...اكن الناس ما صدقت

أندلس يقول...

كدة؟؟
كان نفسي يطلع سيادته فارقنا وريحنا
امبارح بالليل سمعت الإشاعة دي وكنت هزغرط والله
وما نمتش بقى وفاكرة الخبر بجد
الله أعلم صحيح ايه اللي مستنينا بعده بس أهو نرتاح من خلقته وخلاص
بس أنت كأبتني سيادته بخير يعني
ولا إكلينيكيا حتى؟؟
طيب بيعشموا الناس ليه

ورد و شوك يقول...

من زمان ما قريناش تدوينة خفيفة الدم منك كدة يا منعم
بس خفة دم التدوينة وراها غيظ و احباط
أكيد لأن الموضوع طلع اشاعة مش حقيقة

أخ جامعة يقول...

الاشاعه فعلا كانت قوية وتأثيرها قوي





بالمناسبة صورنا الطلبة المختطفين التلاته بتوع اسكندرية في أول ظهور علني ليهم في العرض بتاعهم امبارح .. الصور عالمدونة عندي



وعلى رأي أندلس .. بتعشموا الناس ليه

جراح مصري يقول...

ربنا ياخد سيادته

وان كان غياب مبارك كشخص مش هو اللي هيصلح البلد


لازم الشعب هو اللي يتغير، ويكون واعي بحقوقه، وميكونش ضمنهم سواق التاكسي اللي حكيت عليه


وكيفما تكونو يول عليكم

هند محسن يقول...

السلام عليكم و رحمة الله و بركاته

عرفت الخبر ده يا منعم يوم الإتنين اللي فات من واحدة صاحبتي زوجها معتقل من المطرية و ما صدقتش نفسي كانت حالة مش عارفة أوصفها - مبارك مات - إزاي ؟! كأننا خلاص إستسلمنا إنه واقعنا مبارك و ماحدش غيره .

لكن لما كدبت الخبر دلوقتي جاتلي حالة إحباط مش طبيعية - سيادته بخير - حاجة ما تفرحش خالص زعلتني و الله يا منعم .

و زي ما قالولك أول مرة أقرالك تدوينة خفيفة الدم و فيها تريقة زي دى .

ربنا ياخدهم كلهم اللي بيفسدوا في البلد .

محمود الدوح يقول...

فعلا كانت اشاعة قوية جدا وجاتلى رسالة على الميل من ميل معرفوش بتفيد بكدا

وفعلا انا فى انتظار وفاة سعادتة عشان اعرف الشعب هيعمل وهل فى فعلا ناس فى الشعب بتحب الريس ومتعرفش لغاية دلوقت انا البنوك بتتباع

أحمد ورد يقول...

هل فعلا كانت الإشاعة دى مقصودة و مدروسةلإختبار رد فعل الناس؟

يا ترى هم اللى نجحوا فى الإختبار و لا الشعب؟

أظن ان الشعب سقط سقوط زريع. لأن رد فعل الشعب هو اللى احنا عمالين نعمله ده، نتكلم و نرد على بعض.

احنا حتى ما اتناقشناش على ايه اللى ممكن يحصل لو سيادته ودع.

يعنى احنا كل اللى بنعمله اننا مستنيين قضاء الله

أبو أمل يقول...

سعيد بك وسعيد بمطالة صفحة مدونات عبر الدستور
وادعوك لمطالعة مدونتى

وعلى فكرة موت الرئيس مش هيفرق
بس موت الخوف اللى جوانا هو المهم

دولة خرابستان العظمى يقول...

عبد المنعم محمود انا جيت عشان اقولك حمد الله على سلامتك وكفاره يا معلم

SHAHEENSHY...فوضى منظمة يقول...

أبويا بيقول .. أن الراجل ده مينفعش يموت كده .. ده هيموت يا اما مقتول يا اما متحاكم

ابومرام المصرى يقول...

حبيب الشعب


صورة الحاكم في كل إتجاه
أينما سرنا نراه
في المقاهي
في الملاهي
في الوزارات
في الحارات
و البارات
و الأسواق
و التلفاز
و المسرح
و المبغى
وفي ظاهر جدران المصحات
وفي داخل دورات المياه

** **
أينما سرنا نراه
صورة الحاكم في كل إتجاه
باسم
في بلد يبكى من القهر بكاه
مشرق
في بلد تلهو الليالي في ضحاه
ناعم
في بلد حتى بلاياه
بأنواع البلايا مبتلاه
صادح
في بلد معتقل الصوت
و منزوع الشفاه
سالم
في بلد يعدم فيه الناس
بالآلاف يوميا
بدعوى الإشتباه

** **
صورة الحاكم في كل إتجاه
نعمة منه علينا
إذ نرى , حين نراه
أنه لما يزل حيا
.. و ما زلنا على قيد الحياه
منقول من اشعار احمد مطر

غير معرف يقول...

بسم الله الرحمن الرحيم
يا استاذ محمود انا والله العظيم بشعر بالقرف الشديد من السخرية فى موضوع الموت ده علاوة على ان الظرفاء اللى بتعجبهم هذه التطاولات ينبغى عليهم بحق يراجعوا ما يعرفونى عن الدين
انا مواطن مصرى عربى مسلم ومن غير مزايدة عمرى ما اتمنى ان الاخوان يوصلوا للحكم ايه ده ايه الاسلوب اللى لو البنا عايش كان خجل منه ده
وعلشان متسرحشى بعيد وتتصور انى عميل ماجووووووووووووووووووووووووور من امن الدوله وانهم بيستفزوك علشان ياعينى غلط فى الريس انا بريحك وبقول انا بلعن اليوم اللى ثورة يوليو قامت فيه وبلعن ابو حكم العسكر وبلعن ابو الساكتين لكن صدقنى انا واللهى اخاف بكل ما تحمله الكلمة من معانى من يوم اسود تصحى فيه مصر على حكم الاخوان والنبى
ولا بلاش علشان البدعه قوللى بصراحه يعنى بالله عليك ايه برنامج الاخوان نفسى افهم الاخوان عاوزين ايه اتحداك شخصيا انك تحددللى برنامج للاخوان كلمنى عن حقوق الاخ المسلم داخل الجماعه بلاش كلمنى على التعزير كلمنى عن ركن الطاعه كلمنى عن مرشد سابق وليس مرشد راحل كلمنى ليه الاخوان بيطفشوا مين طفش مختار نوح ومين طفش ابو العلا ماضى ومين طفش مهندسين وطلبه ودكاتره وادباء كلمنى ازاى بتدار الامور والثقة الاول ولا الكفاءة لمنى عنك انته نفسك لما بتنشر على المدونه فيديو ولا رساله كلمنى بيعاملوك ازاى
يا اخى وانته اخى شئت ام ابيت لاننا من دين واحد وبلد واحد كلمنى ليه كده
الراجل ده انا واللهى لا احبه واكره كل اشكال الفساد فى عصره بس مش قادر افهم ان الاخوان يتصوروا انهم البديل الحتمى والوحيد وكان المصريين مكتوب عيهم ياما يموتوا بالسرطان بتاع الحزب الوطنى لا يموتوا بالسل بتاع الاخوان

egyptianocd يقول...
أزال المؤلف هذا التعليق.
egyptianocd يقول...

الماده لا تستحدث من عدم وغير قابله للفناء
jhon

إيمــان حســان (كى جى 1 إخوان ) يقول...

لالالالالالالالالا مش إشاعات
دة بقى أيس ريس
دة فى الثلاجة من إسبوع
أنا بروج إشاعة جديدة هههههه
ياااااااااه لو ربنا ياخدة ويريحنا
ياااااااه

ربنا يفك سجنك يا مصر

themyth يقول...

ههه انا بردة لما سمعت الخبر عظمت كل صحابى على حاجة سقعة على هذا الخبر و قلت لصاحبى ان دة اعظم خبر سمعتة فى حياتى و انة احسن من تحرير لبنان و ضرب اسرائيل فى عقر دارها بس لما طلع اشعاة زعلت جدااااااا اظاهر ان النهاية قربت و لاازم نستعد عشان هيكون يوم كبوس
www.lifeonnile.blogspot.com

وضـّاح يقول...

سيادته .. ربنا يكرمه زي ما كرم اللي قبله

غير معرف يقول...

معقولة يموت من غير ما يتحاكم
معقولة يموت من غير المستخبى ما يبان
معقولة يموت من غير ما يعين ابنة
معقولة يموت من غير ما يحط الخطة الخمسينية القادمة
دة احنا نحتاس من غيرة يا رب نحتاس (قولوا أمين)

إيمــان حســـان يقول...

ربنا يكرمة زى ما كرم السادات
عاش مكرم ومات مخرم ههههههه

Mirage يقول...

وعلى فكرة الريس بخير نقلا عن مصادر موثوق بها

والموضوع كله كان اشاعة لا تزيد عن زوبعة فى فنجان



ربنا يخليه لحد ماينقل الحكم لابنه وتفضل مصر بخير على ايده ان شاء الله


الناس مش مدركة من غير حسنى مبارك ده مصر كان ممكن يحصل فيها ايه

ربنا يخليه ويطول فى عمره

آمين يارب



بحبك ياريس

صانعة الحرية يقول...

السلام عليكم
الله يكرمك يا اخ عبد المنعم ليه بس كده ؟؟ دا انا كنت عايشه فى حلم جميل ؟؟
وبفكر بقى مين الاصلح انه يمسك مكانه وعماله اعيط ومبهدله الدنيا
يلا قدر الله وما شاء فعل خيرها فى غيرها

mohamed يقول...

السؤال اللى لازم نفكر فيه هنعمل ايه لو مات هنستنى لغاية ميعينوا حد ولا هنعمل ايه

غير معرف يقول...

عايزة أقول إن إحنا ممكن نموت وسيادته عايش عشان يكمل إنجازته يا جماعة إنتوا زعلانين ليه سيادته وراه مشغوليات عايز يخلصها وبعدين يموت وبعدين اعملوا حسابكوا إنه لما يموت وعليكوا خير مش هيعلنوا خبر موته إلا بعديها بشهر يعنى هيكونوا بيقسموا الميراث (مصر يعنى)وطبعا يشوفوا مين إالى هيكمل المسيرة وطبعا إحنا عارفينه