طبعا لازم يتقدم ابراهيم عيسي للمحاكمة وتغلق جريدة الدستور المحرضة المجرمة
ازاي يطلع شائعات عن سيادته ..ازاي اصلا يتكلم عن سيادته ..وابنه ....وستنا وتاج رسنا زوجة سيادته
والحمد لله طبقا لتوجيهات زوجة سيادته أن كل اللي صدروا الشائعة بموت أو مرض سيادته حيتقدموا للمحكمة
والحمد لله النيابة والداخلية نفذت أوامر سيادتها علي الفور وقدمت ابراهيم عيسي للمسائلة القانونية
بس ابراهيم عيسي ده مش تهمته بس إشاعة مرض الرئيس لا ده كمان جرناله كله أكاذيب وتحريض ومساندة للجماعة المحظورة اياها
فعلا مجرم ولازم يتحاكم ويفلوا بأه بؤرة الإزعاج اللي اسمها الدستور
عشان احنا نعرف نقرأ بمزاج عالي كتابات كبار الصحفيين المصريين زي استاذنا الفاضل أحمد موسي في الأهرام والكاتب الكبير عبدالله كمال رئيس تحرير أكبر جريدة توزع في مصر روزليوسف والتي يشرف برئاسة مجلس إدارتها الكاتب الذي يتهافت القراءعلي مقاله اليومي كرم جبر ولنتزوق حلاوة صحافة جريدة الوطني اليوم أيضا
وسكتوا بأه الأصوات والأقلام الفارغة اللي بكتب في جرنال الدستور ده عن الفقراء والناس قال ايه اللي اتعرضوا للتعذيب وماتوا وعن المظاهرات الغريبة دي اللي بكتبوا عنها
سكتوووووووه واقطعوا لسانه وكمان ايديه واكسروا قلمه وقطعوا ورقه وحتي ممكن تسجنوه وتسحلوه ولو بالمرة اقتلوه
27 تعليق:
خبر اعتقاله اساسا كان صدمه
هما اكده ان في حاجة فعلا بتحصل داخل قصر سيادته
بس هنقول ايه
دستور يااسيادنا علي راي جدتي
وربنا يسترها الايام الجاية
حسبي الله ونعم الوكيل
يلا عشان احنا مش بنسمع الكلام
الي يخلينا نقرا لابراهيم عيسي احنا وحشين خايص ومش بنسمع الكلام
نروح بقرا لاونكل احمد موسي الي ماشاء الله ولا بيزو ولابستعبط ولابيحرض ولا اي حاجة
بيحب جدو حسني وتيته سوزي وبس
وربنا يشفي الاغبياء الي ملوا البلد
وياخد كل ظالم
السلام عليكم ورحمةالله وبركاته
آه ياني من الهموم اللي بتضحك ، تقريباً مش هتخلص و إحنا اللي هنخلص قريب .
يارب إنت الحكم والعدل
والجملة الأخيرة جامدة قوي يامنعم و دمها خفيف :
" سكتوووووووه واقطعوا لسانه وكمان ايديه واكسروا قلمه وقطعوا ورقه وحتي ممكن تسجنوه وتسحلوه ولو بالمرة اقتلوه "
على فكرة تنفع تكتب شعر أو زجل .
إفتكرت آية في سورة آل عمران بتقول :
"لايغرنَك تقلب الذين كفروا في البلاد * متاعٌ قليلٌ ثم مأواهم جهنم و بئس المهاد * " آل عمران 196:197
سبحان الله كنت بأحفظ فيها النهارده و كأني أول مرة أقراها .. و أول مرة أفهمها .. و أول مرة أربطها بالواقع اللي بنعيش فيه
ربنا بيقولنا رسالة كبيرة عشان يطمن قلوبنا الحزينة .
يا ربي عليك بهم .
السلام عليكم ورحمة الله
استاذ منعم طبعا لازم يسكتوه مش هو اللي فاضحهم وكاشف فسادهم
السيدة سوزان مبارك هى اللي قالت اننا سنحاسب الذي روج للشائعات وعمل على اثارتها وتماستدعاء الاستاذ ابراهيم لذلك
طبعا السيد جمال مبارك هليقول لازم نحاكم الناس اللي فرحت لما سمعت الاشاعة
ومبروك على سكنك الجديد اللي في مدينة نصر ,/ فاهمني طبعا
ويشرفني زيارتك لمدونتي الجديدة
وجزاكم الله خيرا
السلام عليكم:
انا فعلا بجد كنت لسه فى العدد بتاع امبارح في الدستور هم كانوا نتوقعين دهخصوصا في ظل حرية الصحافة اللى احنا فيها سؤال مهم لحضرتك لما يغلقوا الدستور هتكتب فين اخبار المدونين ولا صحيح مش ده المهم وربنا يستر
هو بسلامتة يعني مش بني ادم بيعيا زي كل البني ادمين...وبيموت زي كل مخاليق ربنا...ولا هو اسم النبي حارسة و صاينة...ما بيموتش...هيفضل على قلبنا حتى قيام الساعة..!!!
وبعدين لما الخبر اشاعة..ما بيوريناش وشة ليه؟؟؟
والست حرمة خارجة تتكلم بلسانة ليه..ولا مستنيين لما يقلوظوا الطاقية على مقاس المحروس جيمي...حسبنا الله و نعم الوكيل
انا شايفه ان دي اشاعه سخيف و المروج لازم يتحاسب علشان ده كدب و ماينفعش الصحفيين يبقوا مصدر اشاعات
هوا كل اللي قاله إن فيه إشاعة بتقول كذا و كذا
و نتمني صدور بيان رسمي على لسان الرئيس ينفي الشائعة
يعني ما قالش إنها حقيقة
و لا علشان قال عنده قصور في الدورة الدموية
طب ماهو مرض مش مميت
عجايب والله
مش مهم عيسى .. المهم المبدأ
اعتقال المبدأ جريمة
رايح يا منعم بكرة التجمع الخامس؟
عايزين نقسم نفسنا
عشان بكرة كمان اسلام نبيه
انا بافضل اني انا ووائل نروح اسلام
والباقي يروحوا لابراهيم عشان يبقى فيه عدد بيسانده
وللا انت شايف ايه؟
ان شاء الله حكون مع ابراهيم عيسي في النيابة
هتكون معاه ازاى يعنى
متهم و لا مجرد مساندة بحكم الزمالة
ما بلاش انت يا عم
انت رايح لهم برجليك
لو عرفت آخر خبر ان الظابط المتهم بقتل محمد عبد القادر طلع براءة هتهون عليك بلوة ابراهيم عيسى
و سلملى على حقوق الإنسان
هذا جزاء كل من تجرأ ولاك شرف سيادته بلسانه أو قلمه
طيب ما هى كل الدنيا قالت انه مريض و وكالات انباء اجنبيه كمان قالت كده خير يعنى يلا ما هو بقى عادى الموضوع وهو اتحبس قبل كده
وسواس قهرى
كلها تلاكيك علشان يقدروا يقفلوا الدستور بأى طريقة
والله تلاقيه مات وفى التلاجة فعلآ وبقى أيس ريس بجد ومستنيين يظبطوا السلطنية علشان المحروس إبن المحروسة
فيلم هندى كلنا عارفينة وحافظين السيناريو بتاعة
ولو دوروا على اللى روج الشائعات هايلاقول البلد كلها لأن كلنا بنحلم باليوم اللى الحلم فيه يبقى حقيقة
وإن شاء الله الحلم هايبقى حقيقة ونسمع كل خير
أنا أعلن تضامنى مع منعم ضد الإعتقالات
وضد قصف الأقلام
وضد التعذيب فى السجون المصرية
وضد التوريث
وضد الحاكم المستبد
حقيقى خبر التحقيق معاه كان غير متوقع ابدا
يا ريت تطالعنا بأخبار التحقيق معاه النهارده
ده بالذات لأأأأأأأأا
بجد دا اشرف من الحكومة كلها
تم اضافة المدونة لفهرس المونات المميزة بالشارع المصرى
من يجد فى مدونه مميزة يرجى كتابتها فى المدونة وسيتم اضافتها
http://egypt-street.blogspot.com/
لولا بعد المسافة والأشغال لكنت مع الرجل فهو بالفعل نعم الشريف والمناضل في أمة عز فيها قول كلمة لا
أنا متضامن مع الاستاذ ابراهيم عيسى بقلبي ودعواتي وأعرف أن هذا أضعف الإيمان
لك تحياتي
السلام عليكم
السلام عليكم :)
الحمد لله يا عبده ..
http://www.ikhwanonline.com/Article.asp?ArtID=30816&SecID=230
إفرحوا يا شعب :) .. .. . .
هوا للدرجه دي
بقي حال البلد كده
هما بثبتوا الناس على حب الحرية
كلنا نعشق الحرية والدستور جريدة يتبادلها العشرات للعدد الواحد ويحتفظ بها كمرجع
احا يا مصريين أهم وأفضل صحفى مصرى لم يتضامن معه حتى الان سوى 250 توقيع حرام عليكو والله احنا نستاهل أكتر من اللى بيجرالنا
عادى يا جماعة انهم يحققوا مع واحد زى ابراهيم عيسى
زى ما عادى ان قتلة محمد عبد القادر و طفل شها طلعوا براءة
على فكرة هم خلاص بيحاولوا يوصلولنا الحقيقة دى و هى ان البلد دى نظام العدل فيها مقلوب و لازم نرضى بكدة و نحمد ربنا كمان
خبر عاجل
عمر افندى يصوم فى رمضان
تابع موقع عمر افندى لمعرفة تفاصيل الخبر
لازم كل واحد بيروج للاشاعات الحقيرة دي ياخد جزاؤه...صحة الريس برده و حياته مش حاجة هينة...و الدستور تستحق اللي يجرالها ...بس بالمرة كمان ياريت ندور على الحاج صاحب السي ان ان عشان نحاكمه بالمرة لانه اتطاول على صحة الريس هو كمان...لا و ايه قالوا في اخر الخبر ان الريس هو اكتر واحد مسك الحكم في مصر من عهد محمد على باشا في القرن ال91
بقى ده كلام برده...مينفعش كده يا جماعة..و انا من موقعي هذا اطالب بمحاكمة الحاج صاحب السي ان ان و البي بي سي و كل حاج صاحب كل قناة او جرنان محترم روج للاشاعة دي عشان يعتبروا بعدين.
ربنا يفك سجنك يا مصر ويغور مبارك لابارك الله فية وفى أمثالة
لما الظلم يكثر تهون النفس ويهون معها كل شىء
إرسال تعليق