الخميس، يناير 04، 2007

التعذيب حق لكل مواطن



ارحمني يا باشا ..ايديا يا باشا ظابط : وبكل هدؤ مالها طيب فكني خمس دقايق بس واربطني تاني طيب انا اللي قتلتله يا باشا ظابط : كدابة لو تقدر شاهد اجرامهم
صورة جديدة من صور التعذيب... صورة جديدة من اجرام دولة في حق الشعب
رهينة جديدة استطاع وائل عباس أن يحصل علي لقطات تعذيبها وتعليقها
كما أوضح عباس أنها متهمة بجريمة قتال ويحاول الضابط انهاء التحقيق بأسلوبه
اسلوب سادي وحقير وقذر
اخشي ما أخشاه من كثرة نشر هذه الصور واللقطات أن يكون ذلك لتطبيع الناس عليها بالبلدي ( يخدو عليها ) محنا طول عمرنا بنسمع عن التعذيب لا خليهم كمان يشفوه اولا عشان يخافوا اكثر ثانيا عشان التعذيب واسلوبه ومنهجه وزبانيته يكون وجوه تقليدية في حياتنا خلاص بنتعود نشوف اللي عذبنا لكن مش بنقدر نتكلم
اتعذبت قبل كده
انا منذ زمن كنت اسمع عن التعذيب ولكن عندما تعرضت له كان شئ تاني
حيث تم اختطافي من محبسي بسجن طره في عام 2003 ليلا الي مقر أمن الدولة بمدينة نصر
وفي حفلة الاستقبال عرفنا الضابط الهمام ذو الصوت الأجش انتو عارفين انتو فين يلا ولاد ....انتو هنا في جواتناموا
والاستضافة طالت 13 يوم وكان التعذيب بدون استخدام اي وسائل كان ضرب فقط علي أيدي الزبانية
وكان يقولي الظابط انتو اصلكوا متوصي عليكي فانتو بتضربوا وتشتموا بس
وكان لينا نظام اننا نكون حافيين مقيدي الايدي من الخلف عدا فترة الطعام نكون مقيدين من الامام معصبي الأعين طوال مدة الاقامة
محتجزين بغرفة انفرادية بها مصطبة حقيرة وحمام بلدي وحنفية والباب له شباك كبير ليستطيع من يمر طيلة النهار أن يشاهد المحتجز بالغرفة دون فتح الباب
عندما اشتد بي الالم ولم يكن الطعام لا يكفي لتحمل الضرب والمجهود التعذيبي طالبتهم في احدي المرات بكوب ماء بسكر فما كان من الاشاوس الا أن علموني خطأي بطلبي لمثل هذا الامر
عندا طالت الفترة وزاد تعبي وعدم تحملي امر الضباط باجراء فحص طبي لي حيث زادي طلبي للمياه واستخدامي للحمام في تزايد حتي اني قلت له موتني لن اتحدث دون استخدام الحمام فمرهم بعمل تحليل سكر لي
فجائني ( طبيب المكان ) !! وقال له الحارس هل انزع له الكلابشات يا باشا
فرد الطبيب !!!!! علي دول ولاد ...وانتو عارفين
ولا نظامنا اننا نظل حافين القدمين ..يبدو ان قدمي ازرقت ..فصرخ الضابط المحقق في :انت ياد مكعش شبشب ولا شراب تدفي بيه رجلك
فرد زميله عليه : لا ياباشا دول نظامهم حافيين
فكان رده : شوف يا اخي ظلم الانسان لاخيه الانسان
في نهاية الزيارة الظابط قالي حتروح النيابة بأه وتقول عذبوني وعملوا في كذه
فرددت عليه :هو أنا لو قلت حيحصل حاجة اصلا ليك
فكان الرد خلفي من العسكري الاسود الهمام هو احنا عملنا فيك حاجة يا ابن ....وكنت وقتها تحت قدمه
قد أكون نسيت أو لم احكي واحد علي مائة مما حدث
لكن السؤوال متي نستطيع أن نتنقم قانةنيا من هؤلاء المجرمين
وهل لو اتجه احد المتعرضين لهذا الاجرام والارهاب للعنف هل يكون محق في ذلك
الألم والحسرة علي هذا الوطن قد يجعل الواحد منا مجنونا مما نراه يحدث لنا في بلدنا من اناس من المفروض أنهم من جلتنا وبشر مثلنا
نعلم جيدا أن التعذيب هو جزء اساسي من منهج النظام في التعامل مع الشعب
لكن هل حان للشعب أن يقف ضد هذا المنهج
زمان كان التعذيب للسياسيين والاسلاميين المعارضين للدولة
دلؤتي التعذيب لاي حد في الشعب تحت شعار ...التعذيب لكل مواطن
حد ممكن يتحرك

15 تعليق:

محمود سعيد يقول...

لا حول ولا قوة إلا بالله
حتى النساء

أسأل الله أن يفضحهم فى نساءهم

وأسأل الله لك الإخلاص وحسن الثواب على تعذيبك فى سبيل الله
وبالنسبة لموضوع الإنتقام فقد تعلمنا أنه عند الله العدل وعنده الحقوق

أما فى الدنيا فإن شاء الله سيلقون عقابهم فى الدنيا ما لم يتوبوا أو يحاسبون قضائياً إن شاء الله

غير معرف يقول...

اظن مبارك بعد كده حيعمل نظام دليفري للتعذيب
ان المواطن يتصل ويطلب ظابط يعذبه في المكان اللي هو فيه
اه ولا الكلب

غير معرف يقول...

Part 2 of this video is avaliable over here http://www.youtube.com/watch?v=VhQRFz65M6s puplished by waelabbas from Misrdigital , Gardet el wa3e , if u want to download any of the videos from youtube go to www.keepvid.com u can download the video in a FLV format , the same format it is played in , if u want to convert it into a video file avaliable to be played on ur mob or ur pc without using any acessory programs ,u can download total video converter from www.downloads.com or from www.absba.com , Program section ,Plz puplish all videos available about torture in Egypt , including all the Police crimes sepcially during elections , download it all , convert it all to 3gp format , put it into ur mobile , spread it using ur bluetooth ,Thx all

كلام الليل يقول...

ولا حول ولا قوة الا بالله الله
{ولا تجسبن الله غافلا عما يعمل الظالمون }

محمد الصياد يقول...

ايه الإجرام ده مستحيل في بشر بالشكل ده
دول مش عارفين انهم حقفوا قدام ربنا
ربنا ينتقم منهم ويعذبهم اضعاف اضعاف هذا العذاب في الدنيا عشان هم اللي يكونوا عبرة
اما حساب الاخرة فاللهم اشدد عليهم فيه

nwal aly يقول...

mosh mommken el bnt di ba3 alli 7sl fiha mttla3sh mogrmh
dh egrm y2di le egrm

غير معرف يقول...

حسبنا الله ونعم الوكيل في الظالمين

وليد يقول...

حلوة موضوع الدليفرى ده

ممكن كمان يعملوا خصومات
يعنى اضرب قلمين تاخد التالت هدية

او اتكهرب فى عضوك الذكرى
ومجانا هنضع عصاية فى الشرج

بجد الناس دى بتعيش مع عيالها ازاى

وليد يقول...

ربنا ينتقم من كل ظالم

وليد يقول...

http://www.image-shed.com/uploads/a3aace63f6.gif
شوف كده يا عبد المنعم التصميم ده
ياريت نعمل دعاية لمهرجان القاهرة السينمائى لأفلام التعذيب

عبدالرحمن رشوان يقول...
أزال المؤلف هذا التعليق.
عبدالرحمن رشوان يقول...

السلام عليكم
لا ريب أن رجل الأمن أصبحت نفسه لا تستطيع العيش الا بالعصا والمشكلة أن رجل الأمن أصبح رجب السياسة والاقتصاد والدين والدولة كلها
جعل الله ما عذبت به بردا عليك ونارا على من عذبك

غير معرف يقول...

أنا اول مرة اعرف الحاجات اللى انت بتحكيها حصلت لك دي ياعبد المنعم ..بجد قلبي وجعني :(
معقولة يعملوا كده في شباب مصر لمجرد انهم بيقولوا لأ ..
مافيش غير حسبنا الله ونعم الوكيل على اللى بيحصل في مصر وفي شبابها ده:(

غير معرف يقول...

أستاذنا الفاضل عبدالمنعم
انا بجد اصابتني حالة من الاشمئزاز من صورة تعذيب هذه الفتاة ومن حكاية تعذيبك هذه
وربنا ينتقم منهم
ودول حيحصل فيهم زي ما حصل لصدام
لان دي نهاية اي الديكتاتةر

غير معرف يقول...

حسبنا الله ونعم الزكيل في الظالمين المجرمين
اللهم عذبهم في الدنيا والاخرة