الأربعاء، يونيو 18، 2008

لو مش حتحلم معايا مضطر أحلم بنفسي

لو مش حتحلم معايا مضطر احلم بنفسي

لكني في الحلم حتي عمري ما ححلم لنفسي

لو كنت راح افتش عن منصب و لا جاه و اصاحب الحذر

دانا ابقي ما استحقش حلاوة الحياة و ضحكة البشر

يا صاحبي يا صديقي ياللي طريقك طريقي

دا انا يوم ما عيش لنفسي ده يوم موتي الحقيقي

16 تعليق:

عمر المصرى يقول...

السلام عليكم
نسأل الله السلامة لنا ولكم
ونتمنى أن نلتقى عند نقطة إلتقاء حقيقة تتحقق فيها أحلامنا النبيلة وأفكارنا الجليلة ومبادئنا العظيمة

كريم مصطفي سيد يقول...

السلام عليكم
موضوعاتك جميله ولكن اليوم قرأت في الدستور مقالك عن فضيله المرشد محمد مهدي عاكف بطريقه غير صحيحه لانك لاتحترمه وارجع الي المقال كويس وانا انصحك
اللهم فقد بلغت اللهم فاشهد

غير معرف يقول...

اخي الكريم كريم
موضوع الدستور عادي جدا وهو مقابل لتعيين منعم في الدستور (اقصد تعيين رسمي بعقد مثبت ) وهو ما تم منذ ايام قليلة
وانتظروا ما هو آت

غير معرف يقول...

عادى يا منعم...
أخيرا ابتديت تحط النقط على الحروف وتعرف تلعب ازاى...الموضوع حلو ..بس لمافكرت تخبط خبط فى ناس الله يرحمهم يعنى ماتوا
ابتديت تعرف تلعب
بس الكورة جوان يا منعم
حاجة مهممة تانية....
انا مستغرب من طريقة طرحك لأفكارك...يبدو انك دكتاتورا مع نفسك ومع الآخرين...عرضت أفكارك عن الجماعة فى تدوينات سابقة ولم تقم حتى بمحاورة أى شخص علق على أى تدوينة وربما أعذرك فى عدم ردك على كثير ممن هاجموك بالسباب والتخوين ...وربما حتى هؤلاء لهم الحق لأن طريقة الطرح تجعل أى انسان يرفض ما تقول حتى ولو اتفق مع بعض الأفكار....لكنك رفضت أن تقدم طرحك الفكرى وتحاور من خلال هذا الطرح..ولم تعرض افكار أو رؤى فى ردك على الناس وانما اكتفيت ببعض المقتطفات من الأفلام وكأنك تحاول أن تظهر كأن الفيلسوف العظيم المستبصر بالأمور ...كنت دكتاتوا مع نفسك وحتى مع أصدقائك الذين رفضت حتى أن تعبر عن ما يجيش بداخلك....
على فكرة الصحفى الشاطر ميخسرس مصدره...والبقاء للأصلح

محمود سعيد يقول...

أغنية جميلة جداً

Abo El-3ela [outro]

Abo El-3ela [intro]

عبد الجواد يقول...

عجيب انت جدا يا منعم
طيب تقول وجهة نظرك في موقف ما او جماعة ما وتلقي الاتهامات يمينا ويسارا وخلاص استعوضنا ربنا سبحانه وتعالى فيك
انما تلقي الاتهامات علي اساتذتنا المرشدين رحمهم الله (كما فعلت في مقال الدستور الاسبوعي ) امر عجيب جدا
الامر الاعجب تصويرك للاستاذ المرشد في صورة المهيمن الوحيد علي قرارات الجماعه وهو الوحيد الذي صنع وصنع وصنع
وكأن جماعه الاخوان متمثلة في شخص الاستاذ ( مع خالص احترامنا وتقديرنا للاستاذ )
يعني انا اتفهم ان يصدر مثل هذا المقال الغير واضح المعالم المبهم الذي لا تفهم منه اي شيء ولا تفهم منه انت عايز تقول ايه بالضبط
الشاهد تعليقي الاساسي حديثك عن المرشدين السابقين رحمهم الله وافتراضك بعض الافتراض التي حتى لم تدلل عليها بوقائع او نماذج

عجييييييييييييييييييييييب الله يرحمك يا ستي

غير معرف يقول...

اخى الحبيب عبد المنعم كلنا بنحلم والاغنيه جميله ومؤثره جدا وانا معا ك فى الحلم ده ولكن ارجو ان حتى فى احلامنا نقرب منواقعنا عشان ماتبقاش احلام مستحيله انا مع عرض افكارك ايا كانت ولكن ياريت عرض الافكار يبقى باسلوب افضل ياريت يامنعم ولوحد اقنعك بفكرة تراجع ياحبيبى التراجع فضيله انى احبك فى الله واتمنى ان تكوننموذج للصحفى المسلم العصرى جدا بجد حاتم ثابت

معلم الهكر يقول...

Российская личинку

www.hakeing.blogspot.com

غير معرف يقول...

"انت اللى هتغنى يا منعم"بالمناسبة..التدوينة الجاية عاوزين نتفرج على المشهد اللى دار بين عبد الحليم حافظ وحسين رياض أو منعم وعم جاد ..."غنى يا منعم وأنا هقود الأولكسترا"....لو فضلت شغال على موضوع موضوع ما يطلبه المشاهدون ده...فألف مبروك لينا معد بايخ لبرنامج اخترنا لك بتاع سهرة الأربعاء على الأولى...أو مايطلبه المستمعون على الراديو العام
غنى يا منعم

الصعـيدى يقول...

أنا عغلى عكس جمهورك والواضح أنه لم يعد جمهورك المحب لكتاباتك
فأنا عجبتنى جداً الأغنيه وبقولك إحلم يامنعم ... ولو حتى هتحلم لو حدك ..ولو حتى ماحدش عايز يحلم معاك
إحلم يامنعم دى الحلم أقل حق للإنسان .. إحلم حتى لو صديقك رفض إنه يشاركك حلمك

بس خليك فاكر...

لو كنت راح افتش عن منصب و لا جاه..

دا انا يوم ما عيش لنفسي ده يوم موتي الحقيقي...


وفى النهايه ... الغايه لاتبرر الوسيله
سلام يا أستاذى..وأشوفك على خير

غير معرف يقول...

أحلم يا بني أدم

مش دمر و أتصرف برعونه الحمقى

أحلم من حقك

التدمير و الرعونه مش من حقك

محمد نصر التهامى يقول...

أخى الحبيب الغالى منعم
أنا مش عارف إنتا عاوز إيه؟؟؟؟؟؟؟
أنتا شوية كويس وشويةمش....
فين أيام زمااااااااان يامنعم
بالله عليك مش الصحافة لما تكون بنية الإصلاح بتبقى طعمها حلو
بالله عليك أنتا حابب نفسك وزورا مدونتك إللى كانوا بيحبوا كتاباتك بيهجموك
والله يامنعم إنتا صعبااااااااان عليا أوى

على العموم ربنا يرزقنا الإخلاص فى القول والعمل,, ويثبتا على الطريق الصواب

وياترى القنبلة-البايخة-الجاية فى مقالات هتكون إيه؟؟؟؟
*** سامحنى *** لو كانت لهجتى فى التعليق غير لائقة ,, بس والله بجد أنا حزين عليك أووووووى,,,,,

Abd elmonem يقول...

اخي محمد نصر التهامي اسف انا مش عارفك عشان تعرف منعم بتاع زمان من منعم بتاع النهارده
ومش عارف انت دخلت في نيتي اني كنت زمان بعمل صحافة بنية الإصلاح ودلؤتي بعمل صحافة بنية ايه
علي العموم انا اعتز بكل من يقرأ مدونتي لكن باعتبار الكلمة امانة فهذه امانة عرض ان اقدم المعلومات الصحفية التي توصلت اليها عن طريق اخوان افاضل
وخصيمنا ليس القراء ولا الناس اللي بتزعل من عرض واقعها
خصيمنا هو الله عزو جل الذي سيحاسبنا علي اعمالنا يا اخي الكريم
وعموما تعقيبا علي اللي انت بتقوله ان اسلوبك البايخ في التعليق
القنبلة البايخة القادمة ستكون من واقع التعليقات البايخة

محمد العتر يقول...

لو كان الأمر بالحلم لكان لأمتنما الغلبة على الأمم جميعها ، فلا أمة أبناؤها يحلمون كأمتنا .. ولكن أين التنفيذ .. الحلم معناه رائع ولكنه لا يكون كذلك إلى مع وقوع بدء التنفيذ .. ربما لا يكون التنفيذ في مستوى قدر الحلم ، ولكنه وبلا أدنى شك سيتحقق ما لا يقل عن 70% من الحلم المراد ... كما أن الحلم قد يكون مدمراً لنفسية الحالم ؛ إن كان الحلم لا يطبق ولو بعضه في الواقع.

خلاصة الموضوع الحلم رائع ولكنه فاسد بدون تنفيذ .

أخي وأستاذي الكريم .. أنت مثل لي في مجال الإعلام ... وفقك الله

محمد نصر التهامى يقول...

أخى الصحفى العزيز / عبد المنعم
أعتزر مرة اخرى عن أسلوبى الغير لائق فى التعليق ,, ولكنها كانت خواطر بقلبى عبرت بها بحروف على الكى بود إنطلقت فى صورة تعليق على مدونتك الكريمة..
فأنا أعرفك جيداً ليس شخصياً ولكن من كتاباتك وحواراتك وتغطياتك,,
وشكـــــراً

غير معرف يقول...

كلنا بنحلم بس تفتكر الحلم بتحقق

علشان كده اسمه حلم